SunstarTV
ଭୁବନେଶ୍ବରରେ ରୋଡ୍ ଶୋ କରିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ସୂଚନା ମୁତାବକ ମାଉସୀ ମାଆ ମନ୍ଦିରଠାରୁ ଲିଙ୍ଗରାଜ ମନ୍ଦିର ଯାଏଁ କରିବେ ରୋଡ୍ ଶୋ । ତେବେ ଖାଲି ସେତିକି ନୁହେଁ, ଏହା ପରେ ମଧ୍ୟ ରାଉରକେଲାରେ ନଡ୍ଡା ନିର୍ବାଚନୀ ସଭା କରିବେ ।
ନଡ୍ଡାଙ୍କ ପ୍ରଚାର ନକ୍ସା:
ପ୍ରଥମେ ଏକାମ୍ର ଭୁବନେଶ୍ବରରେ ରୋଡ୍ ଶୋ କରିବେ ଜେପି ନଡ୍ଡା । ଏହାପରେ ବାରିକ ସାହିରୁ ରୋଡ୍ ଶୋ ବାହାରି ଲିଙ୍ଗରାଜ ମନ୍ଦିର । ସକାଳ ୧୦ଟାରେ ନଡ୍ଡା ମାଉସୀ ମା’ ମନ୍ଦିରଠାରୁ ଲିଙ୍ଗରାଜ ମନ୍ଦିର ପର୍ଯ୍ୟନ୍ତ ରୋଡ୍ ଶୋ କରିବେ। ପରେ ଅପରାହ୍ନରେ ବରଗଡ଼ ଜିଲ୍ଲାର ପଦ୍ମପୁର ଓ ସୁନ୍ଦରଗଡ଼ରେ ନିର୍ବାଚନୀ ସଭାକୁ ସମ୍ବୋଧିତ କରିବେ ।
ସୂଚନାଅନୁସାରେ ଓଡିଶା ୨ଦିନିଆ ଗସ୍ତରେ ଆସିଛନ୍ତି ନଡ୍ଡା । ଗତକାଲି ଭୁବନେଶ୍ୱରରେ ପହଞ୍ଚି ସେ ପ୍ରଥମେ ଏକ ଦଳୀୟ କାର୍ଯ୍ୟକ୍ରମରେ ଯୋଗଦେଇଥିଲେ । ଏହାପରେ ଆଜି ଭୁବନେଶ୍ୱରରେ ରୋଡ୍ ଶୋ କରିବା ସହ ସେଠାରୁ ପଦ୍ମପୁର ଏବଂ ସୁନ୍ଦରଗଡ ସମାବେଶରେ ଯୋଗଦେବେ ।
ଅନ୍ୟପଟେ ୧୬ ତାରିଖରେ ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ୱଶର୍ମା ବ୍ରଜରାଜନଗର, ବଣାଇ, ଅତାବିରା ଏବଂ ଜଟଣୀରେ ନିର୍ବାଚନୀ ସଭା କରିବେ । ସେହିଦିନ ଛତିଶଗଡ ମୁଖ୍ୟମନ୍ତ୍ରୀ ବିଷ୍ଣୁ ଦେବ ସାଏ ମଧ୍ୟ ତଳସରା, ବିଜେପୁର, ବୀରମହାରାଜପୁରରେ ସଭା କରିବେ । ୧୭ରେ ସୁନ୍ଦରଗଡ଼, ରାଜଗାଙ୍ଗପୁର, ବୀରମିତ୍ରପୁରରେ ସଭା କରିବେ ସାଏ ।
