SunstarTV
କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କ ମାଆଙ୍କର ପରଲୋକ ଘଟିଛି। ଆଜି ସକାଳ ୯ଟା ୨୮ ମିନିଟ୍ରେ ମାଧବୀ ରାଜେ ଦିଲ୍ଲୀ ଏମ୍ସରେ ଶେଷ ନିଶ୍ଵାସ ତ୍ୟାଗ କରିଛନ୍ତି। ନିମୋନିଆ ସହ ସେସ୍ପିସରେ ପୀଡିତ ହୋଇ ସେ ଚିକିତ୍ସିତ ହେଉଥିଲେ । ୩ ମାସ ହେବ ଦିଲ୍ଲୀର ବିଭିନ୍ନ ହସ୍ପିଟାଲରେ ତାଙ୍କ ଚିକିତ୍ସା ଜାରି ରହିଥିଲା।
ସୂଚନା ମୁତାବକ ମାଧବୀ ରାଜେ ପ୍ରାୟ ୩ ମାସ ହେବ ନିମୋନିଆ ସହ ଆଉ କିଛି ଗୁରୁତର ସମସ୍ୟା ଭୋଗୁଥିଲେ। ଦିଲ୍ଲୀର ବିଭିନ୍ନ ହସ୍ପିଟାଲରେ ତାଙ୍କ ଚିକିତ୍ସା କରାଯାଇଥିଲା। ମାତ୍ର ଅବସ୍ଥା ସୁଧୁରି ନଥିଲା । ଯାହା ପାଇଁ ତାଙ୍କୁ ଗତ କିଛି ଦିନ ହେବ ଏମ୍ସରେ ଭର୍ତ୍ତି କରାଯାଇଥିଲା। ସେଠାରେ ଆଇସିୟୁରେ ରଖି ତାଙ୍କ ଚିକିତ୍ସା କରାଯାଉଥିଲା।
ମାତ୍ର ମାଧବୀ ରାଜେଙ୍କ ସ୍ବାସ୍ଥ୍ୟଅବସ୍ଥା ଧୀରେ ଧୀରେ ବିଗିଡ଼ିବାକୁ ଲାଗିଲା ଓ ଆଜି ସକାଳ ପ୍ରାୟ ୯ଟା୩୦ରେ ପ୍ରାଣ ତ୍ୟାଗ କରିଛନ୍ତି। ତାଙ୍କ ଅବସ୍ଥା ସଙ୍କଟାପର୍ଣ୍ଣ ଥିବାରୁ ତାଙ୍କୁ ଦିଲ୍ଲୀ ଏମ୍ସରେ ଭେଣ୍ଟିଲେଟରରେ ରଖି ଚିକିତ୍ସା କରାଯାଉଥିଲା। ଆଜି ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ଘଟିଛି। ଅନ୍ତିମ ସଂସ୍କାର ପାଇଁ ତାଙ୍କ ପାର୍ଥୀବ ଶରୀରକୁ ମଧ୍ୟପ୍ରଦେଶ ନିଆଯିବାର ସୂଚନା ରହିଛି।
