Sunstar Tv
BJD Candidate List: ବିଜେପି ଓଡ଼ିଶାର ଆଉ ୬ଟି ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି। କଟକର ବାରବାଟୀ ଏବଂ ବରି ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି ଭାରତୀୟ ଜନତା ପାର୍ଟି।
ତେବେ ଉଭୟ ଆସନ ମଧ୍ୟରୁ ଗୋଟିଏ ଆସନରେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତିଙ୍କୁ ଟିକେଟ ମିଳିବା ନେଇ ଅ।ଶା କରାଯାଉଥିବା ବେଳେ ଏହି ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡ଼ିଛି। କଟକ ବାରବାଟୀରୁ ପୂର୍ଣ୍ଣଚନ୍ଦ୍ର ମହାପାତ୍ରଙ୍କୁ ଟିକେଟ ଦେଇଥିବା ବେଳେ ବିଜେପି ବରିରୁ ଉମେଶ ଜେନାଙ୍କୁ ପ୍ରାର୍ଥୀ କରିଛି ।
ସେହିପରି କିଛି ସମୟ ତଳେ ବିଜେଡି ନିଜର ଶେଷ ପର୍ଯ୍ୟାୟରେ ପ୍ରାର୍ଥୀ ତାଲିକା ୩ଟି ଆସନ ପାଇଁ ପ୍ରାର୍ଥୀ ଘୋଷଣା କରିଥିଲା। ବର୍ତ୍ତମାନ ବିଜେପି ମଧ୍ୟ ୬ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି।
ଏହି ତାଲିକାରେ ବିଜେପି ଘଷିପୁରାରୁ ଶମ୍ଭୁନାଥ ରାଉତଙ୍କୁ ଟିଖେଟ ପ୍ରଦାନ କରିଥିବା ବେଳେ ଭୋଗରାଇରୁ ଆଶିଷ ପାତ୍ରଙ୍କୁ ପ୍ରାର୍ଥୀ ଭାବରେ ଟିକେଟ ଦେଇଛି। ସେହିପରି ଭଦ୍ରକ ଭଣ୍ଡାରୀପୋଖରୀ ପାଇଁ ସୁଧାଂଶୁ ନାୟକଙ୍କ ଉପରେ ପାର୍ଟି ଭରସା କରିଛି ଏବଂ ବେଗୁନିଆ ପାଇଁ ପ୍ରକାଶ ରଣବିଜୁଳିଙ୍କୁ ବିଜେପି ଟିକେଟ ଦେଇଛି ।
ତେବେ କେନ୍ଦ୍ରାପଡ଼ା ସାଂସଦଙ୍କ ପାଇଁ ଦୁଇଟି ଚର୍ଚ୍ଚିତ ଆସନ ଯାଜପୁରର ବରି ନିର୍ବାଚନ ମଣ୍ଡଳୀ ଏବଂ କଟକର ବାରବାଟୀ ଆସନ ପାଇଁ ମଧ୍ୟ ବିଜେପି ପ୍ରାର୍ଥୀ ଘୋଷଣା କରିଛି ।
ବାରବାଟୀରେ ପୂର୍ଣ୍ଣଚନ୍ଦ୍ର ମହାପାତ୍ର ବିଜେପି ପାଇଁ ନିର୍ବାଚନ ଲଢିବାକୁ ଯାଉଛନ୍ତି ଏବଂ ବରୀ ଆସନରେ ଉମେଶ ଜେନାଙ୍କୁ ଟିକେଟ ପ୍ରଦାନ କରିଛି ଭାରତୀୟ ଜନତା ପାର୍ଟି । ତେବେ ଉଭୟ ଆସନରେ ବିଜେପି ଟିକେଟ ଦେଇ ସାରିଥିବା ବେଳେ ପୁଣିଥରେ ଖାଲି ହାତ ହୋଇଛନ୍ତି ସାଂସଦ ଅନୁଭବ ମହାନ୍ତି ।
