SunstarTV
ଆଜି ନାମାଙ୍କନ ଭରିବେ ବିଜେଡିର ଭୁବନେଶ୍ବର ଲୋକସଭା ପ୍ରାର୍ଥୀ ମନ୍ମଥ ରାଉତରାୟ। ଏଥିପାଇଁ ପ୍ରଭୁ ଲିଙ୍ଗରାଜଙ୍କ ଦର୍ଶନ କରି ସେ ଖୋର୍ଦ୍ଧା ଅଭିମୁଖେ ଯାତ୍ରା କରିଛନ୍ତି । ସକାଳୁ ଲିଙ୍ଗରାଜଙ୍କୁ ଦର୍ଶନ କରି ଆଶୀର୍ବାଦ ନେବା ସହ ଅଭିଯାନ ଆରମ୍ଭ କରିଥିଲେ ମନ୍ମଥ। ଏକଦମ ନିଆରା ଢଙ୍ଗରେ ସେ ନାମାଙ୍କନ ଭରିବାକୁ ଯାଉଛନ୍ତି । ଗାଡ଼ି ବା କୌଣସି ଆକର୍ଷଣୀୟ ଶୋଭାଯାତ୍ରା ନୁହେଁ ବରଂ ଯୁବକଙ୍କ ସହ ଦୌଡ଼ି ଦୌଡ଼ି ନାମାଙ୍କନ ଦାଖଲ ପାଇଁ ଯାଉଛନ୍ତି ମନ୍ମଥ।
ତେବେ ଗତକାଲି ପ୍ରେସମିଟ କରି ବିଜେପିକୁ ଟାର୍ଗେଟ କରିଥିଲେ ଭୁବନେଶ୍ୱର ବିଜେଡି ଲୋକସଭା ପ୍ରାର୍ଥୀ ମନ୍ମଥ ରାଉତରାୟ । ସେ କହିଥିଲେ ବୟୋଜ୍ୟେଷ୍ଠ ସତ୍ତ୍ୱେ ମୁଖ୍ୟମନ୍ତ୍ରୀ ଲୋକଙ୍କ ପାଇଁ କାମ କରୁଛନ୍ତି। କିନ୍ତୁ ତାଙ୍କୁ ସାଂସଦ କହୁଛନ୍ତି ବୟସ ଅଧିକ ହେଇଗଲାଣି ଘରେ ବସନ୍ତୁ।
ଏ ହେଉଛି ତାଙ୍କ ସଂସ୍କାର। ସମ୍ବିଧାନ ଅଧିକାର ଦେଇଛି ଜଣେ ଦୁଇଟି ସ୍ଥାନରେ ଛିଡ଼ା ହୋଇପାରିବେ। ଆମେ ତାଙ୍କୁ ଭଲ ପାଉଛୁ ସାରା ଓଡିଶାବାସୀ ତାଙ୍କୁ ଭଲ ପାଉଛନ୍ତି । ସେଥିପାଇଁ ଏହା ଆମ ଦଳର ନିଷ୍ପତ୍ତି ବୋଲି କହିଥିଲେ ମନ୍ମଥ।
