SunstarTV
ସାଧାରଣ ନିର୍ବାଚନ ପାଇଁ ପ୍ରଚାର କରିବାକୁ ଆଜି ଓଡ଼ିଶା ଗସ୍ତରେ ଆସୁଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ଏପ୍ରିଲ ୨୮ ତଥା ଆଜି ସେ ସାଲେପୁର ଗସ୍ତ କରିବେ ବୋଲି ରାଜ୍ୟ କଂଗ୍ରେସ ଦାୟିତ୍ୱରେ ଥିବା ଅଜୟ କୁମାର ସୂଚନା ଦେଇଛନ୍ତି। ଏହାପରେ ରାହୁଲ ମଧ୍ୟ ମେ ୩-୪ ରେ ରାୟାଗଡା ଗସ୍ତ କରି ପ୍ରଚାର କରିବେ ବୋଲି ଦଳର ନେତା ସପ୍ତଗିରି ଉଲାକା ସୂଚନା ଦେଇଛନ୍ତି।
କଟକ ଜିଲ୍ଲା ସାଲେପୁରରେ ବିଶାଳ ସମାବେଶ କରିବାର ସମ୍ଭାବନା ଥିବାବେଳେ ରାୟଗଡା, ବ୍ରହ୍ମପୁରରେ ମଧ୍ୟ କଂଗ୍ରେସ ପାଇଁ ରାହୁଲ ପ୍ରଚାର କରିବେ |
ସୂଚନାମୁତାବକ ସେ ପୂର୍ବାହ୍ନ ୧୧ଟା ୩୦ ରେ ଭୁବନେଶ୍ବର ବିମାନ ବିମାନବନ୍ଦରର ପହଞ୍ଚିବେ। ଏହାପରେ ସ୍ବତନ୍ତ୍ର ହେଲିକପ୍ଟର ଯୋଗେ କଟକର ସତ୍ୟଭାମାପୁର ଯିବେ । ସେଠାରେ ମଧୂସୁଦନ ଦାଶଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ। ସତ୍ୟଭାମାପୁରରୁ ହେଲିକପ୍ଟର ଯୋଗେ ସାଲେପୁର ଯିବେ। ଏବଂ ଦିନ ୧୨ଟା ୨୫ରୁ ୧ଟା ୪୫ ଯାଏଁ ସାଲେପୁରରେ ସାଧାରଣ ସଭା କରିବେ। ଏହାପରେ ଭୁବନେଶ୍ବର ଫେରିବାର କାର୍ଯ୍ୟକ୍ରମ ରହିଛି।
ଏହା ପୂର୍ବରୁ ଏପ୍ରିଲ ୨୫ ତାରିଖରେ ସୋନପୁର ଗସ୍ତରେ ଆସୁଥିଲେ କେନ୍ଦ୍ରମନ୍ତ୍ରୀ ଅମିତ ଶାହ । ଓଡିଶା ଆସି ସୋନପୁରରେ ହାଇଭୋଲଟେଜ ପ୍ରଚାର କରିଛନ୍ତି।
ସୂଚନା ମୁତାବକ ଏହା ପୂର୍ବରୁ ଫେବୃଆରୀ ମାସରେ ଭାରତ ଯୋଡ଼ୋ ନ୍ୟାୟ ଯାତ୍ରାରେ ରାହୁଲ ଗାନ୍ଧୀ ଓଡ଼ିଶା ଆସିଥିଲେ । ଚଳିତ ନିର୍ବାଚନ ପାଇଁ ଏହା ରାହୁଲଙ୍କ ପ୍ରଥମ ଯାତ୍ରା ହେବ ।
