SUNSTARTV
ଭୁବନେଶ୍ୱର: ଆରମ୍ଭ ହୋଇସାରିଲାଣି ଗଣତନ୍ତ୍ରର ମହାପର୍ବ ନିର୍ବାଚନ । ଯାହାକୁ ନେଇ ଚର୍ଚ୍ଚାରେ ରହିଛି ଓଡିଶା ରାଜନୀତି । ଦଳ ବଦଳ ଠାରୁ ଆରମ୍ଭ କରି ଟିକେଟ ବଣ୍ଟନ ଏପରି କି ଷ୍ଟାର ପ୍ରଚାରକ ତାଲିକା ଘୋଷଣା ସବୁଥିରେ ରାଜ୍ୟ ରାଜନୀତିକୁ ନେଇ ହେଉଛି ଆଲୋଚନା । ନିକଟରେ ବିଜେଡି ଛାଡି ବିଜେପିରେ ସାମିଲ ହୋଇଥିବା ସୁପର ଷ୍ଟାରଙ୍କୁ ନେଇ ଏବେ ପୁଣି ହେଉଛି ଚର୍ଚ୍ଚା । ପରିଚୟ ଦେଇଥିବା ଦଳକୁ ପର କରି ପଦ୍ମ ପଙ୍କରେ ପାଦ ବୁଡାଇଥିଲେ ଓଡିଶାର ୪ ଅଭିନେତା । ଭାବିଥିଲେ ଭାଜପାରେ ମିଳିବ ସ୍ଥାନ ,କିନ୍ତୁ ବିଜେପି ଏମିତି ଯେ ଭୁଲେଇ ଦେବ କେବେ ବି ଭାବିନଥିବେ ସେମାନେ । ଅଭିନେତାରୁ ନେତା ପାଲଟିଥିବା ଏହି ୪ ଜଣଙ୍କ ମଧ୍ୟରୁ ଦଳରେ ବର୍ତ୍ତମାନ ଜଣେ ଓଲୋଡା ହୋଇ ପଡିଛନ୍ତି । ନା ଏଯାଏଁ ତାଙ୍କୁ ମିଳିଛି ଟିକେଟ ନାଁ ଷ୍ଟାର କ୍ୟାମ୍ପନରେ ରହିଛି ନାଁ । ଯାହାକୁ ନେଇ ବର୍ତ୍ତମାନ ବୁଦ୍ଧିଜିବି ମହଲରେ ସୃଷ୍ଟି ହୋଇଛି ନୂଆ ସମୀକରଣ ।
ହଁ ଆଜ୍ଞା ଆମେ କହୁଛୁ ଅଭିନେତାରୁ ନେତା ପାଲଟିଥିବା ଓଡିଉଡ ଷ୍ଟାର ଅରିନ୍ଦମ ରାୟଙ୍କ କଥା । ଯିଏକି ଶାସକ ଦଳରେ ପର୍ଯ୍ୟବେକ୍ଷକ ସହ ଷ୍ଟାର ପ୍ରଚାରକ ଥିଲେ । କିନ୍ତୁ ନିକଟରେ ପରିଚୟ ଦେଇଥିବା ଦଳକୁ ପର କରି ପଦ୍ମ ପୋଖରୀରେ ମାରିଥିଲେ ବୁଡ ଆଶା ଥିଲା ଟିକେଟ ଉପରେ । କିନ୍ତୁ ବିଜେପି ନା ତାଙ୍କୁ ଦେଇଛି ଟିକେଟ ନା ଷ୍ଟାର ପ୍ରଚାରକ ତାଲିକାରେ ରଖିଛି ନାଁ । ଏଥିରୁ ଯାହା ଜଣାପଡୁଛି ପଦ୍ମ ପଙ୍କରେ ପାଦ ଦେଇ ଏବେ ଅନୁତାପ କରୁଛନ୍ତି ଅଭିନେତା ଅରିନ୍ଦମ । ଯାହାକୁ ନେଇ ରାଜନୈତିକ ମହଲ ଠାରୁ ଆରମ୍ଭ କରି ସାଧାରଣରେ ଚର୍ଚ୍ଚା ଜୋର ଧରିଛି । ତେବେ ୨୪ ସାଧାରଣ ନିର୍ବାଚନ ପୂର୍ବକୁ ଆକାଶ ଦାସ ନାୟକ , ସିଦ୍ଧାନ୍ତ ମହାପାତ୍ର, ଅରିନ୍ଦମ ରାୟ ଏବଂ ଅନୁଭବ ମହାନ୍ତି ବିଜେଡି ଛାଡି ବିଜେପିରେ ଯୋଗ ଦେଇଥିଲେ । ସେମାନଙ୍କ ମଧ୍ୟରୁ ଆକାଶ ଦାସ ନାୟକ ଏବଂ ସିଦ୍ଧାନ୍ତ ମହାପାତ୍ରଙ୍କୁ ବିଜେପି ବିଧାୟକ ପ୍ରାର୍ଥୀର ଟିକେଟ ଦେଇଥିବା ବେଳେ ଅନୁଭବଙ୍କୁ ଷ୍ଟାର ପ୍ରଚାରକ ତାଲିକାରେ ସାମିଲ କରିଛି ଭାଜପା । କିନ୍ତୁ ଅରିନ୍ଦମକୁ ଦଳ ଏପର୍ଯ୍ୟନ୍ତ କୌଣସି ଦାୟିତ୍ୱ ଦେଇ ନାହିଁ । ଫଳରେ ସବୁଜ ଛାଡି ଗେରୁଆ ପିନ୍ଧିଥିବା ଅରିନ୍ଦମଙ୍କ ସ୍ଥାନ କେଉଁଠି ତାକୁ ନେଇ ଚାଲିଲାଣି ଅଙ୍କ କଷା ।
ପୂର୍ବରୁ ବିଜେଡି ତାର ୪୦ ଜଣିଆ ଷ୍ଟାର ପ୍ରଚାରକ ତାଲିକା ଘୋଷଣା କରିଥିବା ବେଳେ ବିଜେପି ମଧ୍ୟ ତାର ଷ୍ଟାର କ୍ୟାପେନର ଘୋଷଣା କରିଛି । କିନ୍ତୁ ଏହି ଷ୍ଟାର ପ୍ରଚାରକ ତାଲିକାରେ ନାହାଁନ୍ତି ସୁପରଷ୍ଟାର । ଓଡିଶାର ନାମିଦାମି ଅଭିନେତା ଭାବେ ଜଣାଶୁଣା ଅକଶ, ଅରିନ୍ଦମ ଏବଂ ସିଦ୍ଧାନ୍ତଙ୍କ ନାଁ ବିଜେପିର ୪୦ ଜଣିଆ ତରକା ପ୍ରଚାରକ ତାଲିକାରେ ନାହିଁ । ଯାହାକୁ ନେଇ ସବୁଠି ଚାଲିଛି ଆଲୋଚନା । ତେବେ ପରିଚୟ ଦେଇଥିବା ଦଳକୁ ପର କରି ଏବେ ଅବହେଳିତ ଏହି ତାରକା । ଶାସକ ଦଳ ଛାଡି ବିଜେପିରେ ସାମିଲ ହୋଇଥିବା ଏହି ଅଭିନେତା ଏବଂ ଚର୍ଚ୍ଚାରେ ଥିବା ଅରିନ୍ଦମ ବିଜେପିରେ ଅଲୋଡା ହେବେ ନା ତାଙ୍କୁ କିଛି ଦାୟିତ୍ୱ ମିଳିବ ତାହା ଆଗାମୀ ସମୟ ହିଁ କହିବ ।
