Sunstar Tv
2024 Elections: ସମ୍ବଲପୁରରେ ଟିକେଟକୁ ନେଇ ଅମଙ୍ଗ ଅଛନ୍ତି କି ବିଜେଡିର ବରିଷ୍ଠ ନେତା ପ୍ରସନ୍ନ ଆଚାର୍ଯ୍ୟ ! କିଛି ଏଭଳି ଚର୍ଚ୍ଚା ଏବେ ଜୋର ଧରିଛି । ସମ୍ବଲପୁର ବଦଳରେ ରେଢାଖୋଲରୁ ସେ ଲଢିବାକୁ ଇଚ୍ଛୁକ ଥିବା ଚର୍ଚ୍ଚା ହେଉଛି ।
ଯଦିଓ ଏନେଇ କୌଣସି ବିଧିବଦ୍ଧ ବୟାନ ସାମ୍ନାକୁ ଆସିନାହିଁ ତଥାପି ଏନେଇ ରାଜନୈତିକ ମହଲରେ ଚର୍ଚ୍ଚା ଜୋରଧରିଛି । କୁହାଯାଉଛି, ସମ୍ବଲପୁର ବିଧାନସଭା ଆସନରୁ ନିର୍ବାଚନ ଲଢିବା ପାଇଁ ମଙ୍ଗୁ ନାହାଁନ୍ତି ପ୍ରସନ୍ନ । ରେଢାଖୋଲ ଆସନରେ ତାଙ୍କର ସଂଗଠନ ଥିବାରୁ ସମ୍ବଲପୁର ବଦଳରେ ରେଢାଖୋଲ ବିଧାନସଭା ଆସନରୁ ଲଢିବାକୁ ଇଚ୍ଛୁକ ଥିବା ଚର୍ଚ୍ଚା ହେଉଛି ।
ଅନୁମାନ କରାଯାଉଛି କି, ନିକଟରେ ଦୁର୍ଘଟଣାର ଶିକାର ହୋଇଥିଲେ ପ୍ରସନ୍ନ । ଏବେ ସେ ହସ୍ପିଟାଲରୁ ଡିସଚାର୍ଜ ହୋଇଛନ୍ତି, ତେଣୁ ସ୍ବାସ୍ଥ୍ୟଗତ କାରଣରୁ ନିର୍ବାଚନ ଲଢିବାକୁ ଅମଙ୍ଗ ଥିବା କୁହାଯାଉଛି । ଆଉ ୨ୟ କାରଣଟି ରେଢାଖୋଲରୁ ନିର୍ବାଚନ ଲଢିବାକୁ ଇଚ୍ଛା ଥିବାରୁ ସମ୍ବଲପୁର ଆସନରୁ ନିର୍ବାଚନ ଲଢିବାକୁ ଚାହୁଁ ନ ଥିବା କୁହାଯାଉଛି ।
ସେଥିପାଇଁ ତ ଟିକେଟ୍ ଘୋଷଣା ପରେ ବି ସେ ମଇଦାନରେ ପ୍ରଚାର ଆରମ୍ଭ କରି ନାହାନ୍ତି। ଏନେଇ ପ୍ରସନ୍ନ ଆଚାର୍ଯ୍ୟଙ୍କ ପକ୍ଷରୁ କିମ୍ବା ଦଳୀୟ ପକ୍ଷରୁ କୌଣସି ପ୍ରତିକ୍ର୍ରିୟା କେହି ରଖି ନାହାଁନ୍ତି । କିନ୍ତୁ ପ୍ରସନ୍ନ ଆଚାର୍ଯ୍ୟ ଏବଂ ସମ୍ବଲପୁର ବିଧାନସଭା ଆସନକୁ ନେଇ ହେଉଥିବା ଚର୍ଚ୍ଚା କେଉଁ ରୂପରେ ସାମ୍ନାକୁ ଆସୁଛି ତାହା ଦେଖିବାକୁ ବାକି ରହିଲା ।
