SunstarTV
ବଲିଉଡ୍ ଅଭିନେତା ସଲମାନ ଖାନଙ୍କ ଘର ବାହାରେ ଫୁଟିଲା ଗୁଳି। ବାଇକରେ ଆସି ଗୁଳିମାଡ କଲେ ଦୁଇ ଦୁର୍ବୃତ୍ତ । ଭୋର ସମୟରେ ସଲମାନଙ୍କ ଘର ବାହାରେ ଗୁଳିମାଡ ହୋଇଥିଲା ମୁମ୍ବାଇ ପୋଲିସ ସୂଚନା ଦେଇଛି । ଗୁଳିମାଡ କରିଥିବା ଦୁଇ ଦୁର୍ବୃତ୍ତଙ୍କୁ ଧରିବାକୁ ତଦନ୍ତ ଆରମ୍ଭ କରିଛି ମୁମ୍ବାଇ ପୋଲିସ । ସଲମାନ ଖାନଙ୍କ ବାନ୍ଦ୍ରା ଘର ବାହାରେ ୪ରାଉଣ୍ଡ ଗୁଳି କରି ଫେରାର ହୋଇଯାଇଥିଲେ ଦୁର୍ବୃତ୍ତ ।
ସ୍ଥାନୀୟ ଲୋକଙ୍କ କହିବା ଅନୁସାରେ, ଭୋର ସମୟରେ ଦୁଇ ଜଣ ବ୍ୟକ୍ତି ଦ୍ରୁତ ଗତିରେ ବାଇକରେ ଆସି ଗାଲାକ୍ସି ଆପାର୍ଟମେଣ୍ଟ ସାମ୍ନାରେ ଅତିକମରେ ଚାରି ରାଉଣ୍ଡ ଗୁଳି ଚଳାଇଥିଲେ । ଆଜି ଭୋର ପ୍ରାୟ ୫ଟା ବେଳେ ମୁମ୍ବାଇର ବାନ୍ଦ୍ରା ସ୍ଥିତ ତାଙ୍କ ଘର ବାହାରେ ଫୁଟିଥିଲା ଗୁଳି। ପ୍ରାୟ ୩ ରାଉଣ୍ଡ ଗୁଳି ଫୁଟିଥିବା ସୂଚନା ମିଳିଛି।
ତେବେ କେଉଁ କାରଣରୁ ସେମାନେ ଏଠି ଗୁଳି ମାଡ କରିଛନ୍ତି ତାହାର କୌଣସି ସୂଚନା ମିଳି ନଥିବା ବେଳେ ମୁମ୍ବାଇ ପୁଲିସ ଘଟଣାର ତଦନ୍ତ କରୁଛି। ଏହା ସହିତ ସଲମାନଙ୍କ ଘର ବାହାରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି।
ଜେଲ୍ରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ଟାର୍ଗେଟରେ ଅଛନ୍ତି ସଲମାନ ଖାନ। ସେ ସଲମାନଙ୍କୁ ମାରିବାକୁ ଚାହୁଁଛି। ଏନେଇ ଅନେକ ଥର ତାଙ୍କୁ ଧମକ ମିଳି ସାରିଛି। ଗତ ବର୍ଷ ନ୍ୟାସନାଲ ଇନ୍ଭେଷ୍ଟିଗେସନ୍ ଏଜେନ୍ସୀ (NIA) କହିଥିଲା ଯେ ଯେଉଁ ୧୦ ଜଣଙ୍କୁ ହତ୍ୟା କରିବାକୁ ଲରେନ୍ସ ବିଷ୍ଣୋଇ ଗ୍ୟାଙ୍ଗ ଟାର୍ଗେଟ ରଖିଛି, ସେମାନଙ୍କ ମଧ୍ୟରେ ସବୁଠୁ ଆଗରେ ଅଛନ୍ତି ସଲମାନ ଖାନ। ସେପଟେ ସଲମାନଙ୍କୁ ବିପଦ ଥିବାରୁ ଗତ ବର୍ଷଠାରୁ ତାଙ୍କ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି।
