SUNSTARTV
ମୁମ୍ବାଇ: ଆଜି ହେଉଛି ଇସଲାମ ସଂପ୍ରଦାୟର ମୁଖ୍ୟ ପର୍ବ ଇଦ୍ ଉଲ ଫିତର । ଯାହାକୁ ନେଇ ଉତ୍ସବ ମୁଖର ହେଉଛି ରାଜ୍ୟରୁ ଦେଶ । କିନ୍ତୁ ସିନେପ୍ରେମୀଙ୍କ ପାଇଁ ଇଦ୍ ର ଅର୍ଥ ହେଉଛି ଭାଇଜାନଙ୍କ ମୁଭି ରିଲିଜ । କିନ୍ତୁ ଚଳିତ ବର୍ଷ ଦବଙ୍ଗ ହିରୋ ସଲମାନ୍ ଖାନ୍ ଙ୍କ କୌଣସି ମୁଭି ରିଲିଜ ହୋଇନାହିଁ । ଫଳରେ ନିରାଶ ହୋଇଛନ୍ତି ପ୍ରଶଂସକ । କିନ୍ତୁ ଏହାରି ମଧ୍ୟରେ ସଲ୍ଲୁ ଫ୍ୟାନ୍ସଙ୍କୁ ଦେଇଛନ୍ତି ସପ୍ରାଇଜ୍ । ଯାହା ଦେଖିବା ପରେ ପ୍ରଶଂସକଙ୍କ ମନରେ ଖେଳିଯାଇଛି ଖୁସିର ଲହରି ।
ମିଳିଥିବା ସୂଚନା ଅନୁଯାୟୀ, ସଲମାନ ଖାନ୍ ଆଜିର ଏହି ବିଶେଷ ଦନରେ ଫ୍ୟାନ୍ସଙ୍କୁ ଦେଇଛନ୍ତି ଉପହାର । ସେ ତାଙ୍କର ଏକ ମୁଭି ପୋଷ୍ଟର ସେୟାର କରିଛନ୍ତି । ଯାହାକି ସଲ୍ଲୁଙ୍କ ନୂଆ ସିନେମା ପୋଷ୍ଟର ବୋଲି ଜଣାପଡିଛି । ଯେଉଁଥିରେ ଦବଙ୍ଗ ହିରୋ ସଲମାନ ଖାନଙ୍କ ଦମଦାର ଅଭିନୟ ଦେଖିବାକୁ ମିଳିବ ବୋଲି ଏବେଠୁ ଚର୍ଚ୍ଚା ହେଉଛି । ପ୍ରସିଦ୍ଧ ନିର୍ମାତା ସାଜିଦ ନାଦିଆୱାଲା ଇଦ୍ର ବିଶେଷ ଉତ୍ସବରେ ସଲମାନଙ୍କ ଫିଲ୍ମର ନାମ ଉନ୍ମୋଚନ କରିଛନ୍ତି। ସଲ୍ଲୁ ୨୦୨୫ ଇଦ ରେ ‘ସିକନ୍ଦର୍’ ସହିତ ପରଦାକୁ କରିବେ କମ୍ବ୍ୟାକ୍ ।ତେବେ ସୁପରଷ୍ଟାର ସଲମାନଙ୍କ ମୁଭି କିକ ପରଠାରୁ ପ୍ରଶଂସକମାନେ ତାଙ୍କୁ ଏବଂ ତାଙ୍କ ଫିଲ୍ମକୁ ଚାତକ ପରି ଚାହିଁ ବସିଥିଲେ । ଏହି ଅପେକ୍ଷା ‘ସିକାନ୍ଦର୍’ର ଘୋଷଣା ସହିତ ଶେଷ ହୋଇଛି।
ତେବେ ଦୀର୍ଘ ଦିନ ହେବ ଭାଇଜାନଙ୍କ ମୁଭି ସୁପର ହିଟ୍ ହୋଇ ନଥିବା ବେଳେ ତାଙ୍କର ଶେଷ ଫିଲ୍ମ ଟାଇଗର ମଧ୍ୟ ଦର୍ଶକଙ୍କ ହୃଦୟ ସେତେମାତ୍ରାରେ ଜିତି ପାରି ନଥିଲା । ଫଳରେ ତାଙ୍କର ଏହି ନୂଆ ମୁଭି ସିକନ୍ଦର ଉପରେ ରହିଛି ସମସ୍ତଙ୍କ ନଜର । ତେବେ ଦେଖିବାକୁ ବାକି ରହିଲା କେଉଁ ଫିଲ୍ମ ସଲମାନଙ୍କୁ ବକ୍ସ ଅଫିସରେ ଦେବ ବିପୁଳ ରୋଜଗାର ।
