Sunstar TV
ଭୁବନେଶ୍ୱର : ବହୁ ପ୍ରତୀକ୍ଷିତ ବଲିଉଡ ଫିଲ୍ମ ‘ବଡେ ମିୟାନ ଛୋଟେ ମିୟାନ’ ଖୁବ ଶୀଘ୍ର ରିଲିଜ ହେବାକୁ ଯାଉଛି । ନିର୍ମାତାଙ୍କ ପକ୍ଷରୁ ନିଶ୍ଚିତ କରାଯାଇଛି ଯେ, 11 ଏପ୍ରିଲ ୨୦୨୪ ରେ ମୁକ୍ତିଲାଭ କରିବ ଏହି ଫିଲ୍ମ । ଚଳଚ୍ଚିତ୍ରର ଅଗ୍ରଣୀ ଅଭିନେତା ଅକ୍ଷୟ କୁମାର ଏବଂ ଟାଇଗର ଶ୍ରଫ୍, ଯେଉଁମାନେ ବର୍ତ୍ତମାନ ପ୍ରମୋସନାଲ୍ କାର୍ଯ୍ୟକଳାପ ପାଇଁ ୟୁଏଇରେ ଅଛନ୍ତି, ସେମାନେ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି ରିଲିଜ ଡେଟ ଚେଞ୍ଜ କରିବାର କାରଣ କହିଛନ୍ତି । ଭିଡିଓ ସେୟାର କରି ‘ଖିଲାଡି’ ଅଭିନେତା ଅକ୍ଷୟ , “ବଡେ, ଛୋଟେ ଓ ପୁରୀ ବଡେ ମିୟାନ ଛୋଟେ ମିୟାନ ଟିମ ତରଫରୁ ସମସ୍ତଙ୍କୁ ଇଦ ମୁବାରକ ଜଣାଇଛନ୍ତି । ସିନେମାରେ ଏହି ଟିମ୍ ଅପଡେଟ୍ ରିଲିଜ୍ ତାରିଖକୁ ନେଇ ଏକ ନୂତନ ପୋଷ୍ଟର ମଧ୍ୟ ଉନ୍ମୋଚନ କରିଛି ।
ଅନ୍ୟ ପଟେ ଅଜୟ ଦେବଗନ୍ ତାଙ୍କ ଫିଲ୍ମ ‘ମୈଦାନ’ କୁ ନେଇ ଏକ ଅପଡେଟ୍ ସେୟାର କରିଛନ୍ତି । ଫିଲ୍ମର ଏକ ସୀନ ସହ ରିଲିଜ ଡେଟ କ୍ୟାଲେଣ୍ଡରରେ ମାର୍କ କରନ୍ତୁ ଲେଖି ଫ୍ୟାନ୍ସ ଙ୍କ ପାଇଁ ପୋଷ୍ଟ କରିଛନ୍ତି ଅଜୟ । ସୂଚନାଯୋଗ୍ୟ ଯେ ପ୍ରାରମ୍ଭରେ ଉଭୟ ଚଳଚ୍ଚିତ୍ର ଏପ୍ରିଲ୍ 10 ରିଲିଜ୍ ପାଇଁ ସେଟ୍ ହୋଇଥିଲା। କିନ୍ତୁ ଫିଲ୍ମ ‘ବଡେ ମିୟାନ ଛୋଟେ ମିୟାନ’ ଇଦ ଅବସରରେ ପ୍ରେକ୍ଷାଳୟକୁ ଆସିବ । ମୁମ୍ବାଇ, ଲଣ୍ଡନ, ଆବୁଧାବି, ସ୍କଟଲ୍ୟାଣ୍ଡ, ଏବଂ ଜୋର୍ଡାନ ଭଳି ସ୍ଥାନଗୁଡିକରେ ସୁଟ୍ ହୋଇଥିବା ଏହି ପ୍ୟାନ୍ ଇଣ୍ଡିଆ ଚଳଚ୍ଚିତ୍ର ଏହାର ଗ୍ରାଣ୍ଡ ସ୍କେଲ୍ ଏବଂ ହଲିଉଡ ଷ୍ଟାଇଲ୍ ସିନେମାଟିକ୍ ଭିଜୁଆଲ୍ ପାଇଁ ଚର୍ଚ୍ଚା ସୃଷ୍ଟି କରୁଛି ।
