ମା’ ଚଣ୍ଡିଙ୍କ ଦର୍ଶନ କରିବା ସହ ଜନତାଙ୍କ ସେବାରେ ରାଜ୍ୟପାଳ

Sunstar TV

ଭୁବନେଶ୍ୱର : ନବରାତ୍ରି ଅବସରରେ ମା’ଙ୍କୁ ଦର୍ଶନ କରିବା ପାଇଁ ଯାଇ ମହାମହିମ ଦେଖାଇଛନ୍ତି ମହନୀୟତା । ଆଜି ମହାମହିମ ରାଜ୍ୟପାଳ ଶ୍ରୀ ରଘୁବର ଦାସ କଟକ ଚଣ୍ଡୀ ମନ୍ଦିର ଯାଇ ମାଙ୍କୁ ଦର୍ଶନ କରିଛନ୍ତି । ପୂଜାର୍ଚନା ସାରି ଫେରିବା ସମୟରେ କଟକ ସିଡ଼ିଏ ସେକ୍ଟର-୭ର ଚନ୍ଦନା ଚୌଧୁରୀ ନାମ୍ନୀ ଜଣେ ମହିଳା ରାଜ୍ୟପାଳଙ୍କୁ ଭେଟ କରି ନିଜ ନାବାଳକ ସନ୍ତାନର ଜେନେଟିକ୍ ଚିକିତ୍ସା ପାଇଁ ସାହାଯ୍ୟ ସହଯୋଗ ଆଶା କରିଥିଲେ । ଶ୍ରୀ ଦାସ ତତକ୍ଷଣାତ କୌଣସି ବାଛବିଚାର ନ କରି କୁନି ପିଲାର ଚିକିତ୍ସା ପାଇଁ ମହିଳାଙ୍କୁ ସାହାଯ୍ୟର ହାତ ବଢ଼ାଇଛନ୍ତି । ସେହିଭଳି ପୂର୍ବରୁ ରାଷ୍ଟ୍ରପତିଙ୍କ ସମ୍ମୁଖରେ ଯୋଗ ପ୍ରଦର୍ଶନ କରିଥିବା ପାୟଲ ପରିଡ଼ା । ଆଜି ମଧ୍ୟ ରାଜ୍ୟପାଳଙ୍କୁ ଭେଟିବା ନିମନ୍ତେ ଚଣ୍ଡୀ ଛକରେ ପହଞ୍ଚିଥିଲେ । ରାଜ୍ୟପାଳ ପାୟଲଙ୍କ ପାରିବାରିକ ପରିସ୍ଥିତି ପଚାରି ବୁଝି ଯଥା ସମ୍ଭବ ଅର୍ଥରାଶି ଯୋଗାଇ ଦେଇଛନ୍ତି । ସୂଚନ ଯୋଗ୍ୟ ଯେ, ପାୟଲ ଜଣେ ଛୋଟ ଝିଅ ତଥା ବାସ୍କେଟ ବଲ୍ ଖେଳାଳୀ । ବାପା ଦହିବରା ବିକ୍ରି କରୁଥିବା ବେଳେ ବଡ ହୋଇ ଜଣେ ପୋଲିସ ଅଫିସର ହେବାର ତାଙ୍କର ଇଚ୍ଛା ରହିଛି । ତେବେ ଆଜିଠାରୁ ଆରମ୍ଭ ନବରାତ୍ରି ସେହି ଉପଲକ୍ଷେ ମା’ ଚଣ୍ଡୀଙ୍କୁ ଦର୍ଶନ କରିବା ସହ ମହାମହିମ ରାଜ୍ୟପାଳ ଜନସେବା କରି ନିଜର ମହନୀୟତା ପ୍ରତିପାଦନ କରିଛନ୍ତି।