SunStarTV
ଡଲି ଚାଏ ୱାଲା ହେବେ ମାଇକ୍ରୋସଫ୍ଟ ୱିଣ୍ଡୋଜ୍ ୧୨ର ବ୍ରାଣ୍ଡ ଆମ୍ବାସଡର । ମାଇକ୍ରୋସଫ୍ଟ ୱିଣ୍ଡୋଜ୍ ୧୨ର ବ୍ରାଣ୍ଡ ଆମ୍ବାସଡର ହେବେ ନାଗପୁର ପ୍ରସିଦ୍ଧ ଡଲି ଚାଏ ୱାଲା। ଏହି ଖବରଟି ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ତେବେ ଏହି ଖବରଟି କେତେ ଦୁର ସତ ଆସନ୍ତୁ ଜାଣିବା ଆଉ କାହିଁକି ଏ ଖବର ଭାଇରାଲ ହେଉଛି ଆସନ୍ତୁ ଜାଣିବା ।
ପୂର୍ବରୁ ନିଆରା ଢ଼ଙ୍ଗରେ ଚା’ ପ୍ରସ୍ତୁତ କରି ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଥିଲେ ନାଗପୁରର ଚା’ ଦୋକାନୀ ଡଲି ଚାଏୱାଲା। ନିକଟରେ ଭାରତକୁ ଆସିଥିବା ବିଶ୍ୱର କୋଟିପତି ବିଲ ଗେଟ୍ସ ତାଙ୍କ ଚା’ ଦୋକାନରେ ଚାହା ପିଇଥିଲେ । ଏହି ଖବରଟି ବେସ୍ ଭାଇରାଲ୍ ହୋଇଥିଲା । ବିଲ ଗେଟ୍ସ ଡଲି ଚା’ ଦୋକାନରେ ଚା’ ପିଇ ନିଜ ସୋସିଆଲ ମିଡିଆରେ ପୋଷ୍ଟ କରିଥିଲେ ଏକ ଫଟୋ । ବିଲ୍ ଗେଟ୍ସଙ୍କ ସହ ଡଲିର ଏହି ଫଟୋକୁ ନେଇ ଜାତୀୟ ଗଣମାଧ୍ୟମରେ ଖୁବ ଚର୍ଚ୍ଚାର ବିଷୟ ପାଲଟିଥିଲା ।
ଏହି ପୋଷ୍ଟରେ କୁହାଯାଇଛି ଯେ, ମାଇକ୍ରୋସଫ୍ଟ ୱିଣ୍ଡୋଜ୍ ୧୨ର ବ୍ରାଣ୍ଡ ଆମ୍ବାସଡର ହେବେ ଡଲି ଚାଏୱାଲା। ଏହି ଖବର ପୋଷ୍ଟ ହେବା ମାତ୍ରେ ଲୋକଙ୍କ ମଧ୍ୟରେ ଅନେକ ଉତ୍କଣ୍ଠା ଦେଖିବାକୁ ମିଳିଛି।କିନ୍ତୁ ବାସ୍ତବରେ ଏହା ବିନ୍ଦୁ ଟାଇମ୍ସ ପକ୍ଷରୁ ଲୋକଙ୍କ ମନୋରଞ୍ଜନ ନିମନ୍ତେ ଏଭଳି ପୋଷ୍ଟ କରାଯାଇଛି । ଏହି ଖବରଟିକୁ ଅନେକ ଲୋକ ସତ ଭାବିଥିବାବେଳେ ଆଉ କେତକ ବିଭ୍ରାନ୍ତିକର ମନ୍ତବ୍ୟ ଦେଇଥିବା ଦେଖିବାକୁ ମିଳିଛି । କିନ୍ତୁ ମାଇକ୍ରୋସଫ୍ଟ କିମ୍ବା ବିଲ୍ ଗେଟ୍ସ ଏ ବିଷୟରେ କୌଣସି ମନ୍ତବ୍ୟ ରଖିନାହାଁନ୍ତି ।
