SUNSTARTV
SUNSTARTVBURE:ଆଜି ହେଉଛି ସାଉଥ ସୁପଷ୍ଟାର ଅଲ୍ଲୁ ଅର୍ଜୁନଙ୍କ ୪୨ ତମ ଜନ୍ମ ଦିନ । ସେ ତାଙ୍କର ଏହି ଖାସ ଦିନରେ ଦର୍ଶକମାନଙ୍କୁ ଦେଇଛନ୍ତି ଏକ ବଡ ସରପ୍ରାଇଜ । ଯାହାକୁ ଦେଖିବା ପରେ ଅଲ୍ଲୁ ଅର୍ଜୁନଙ୍କ ଫ୍ୟାନ୍ସମାନଙ୍କ ମନରେ ଖେଳିଯାଇଛି ଖୁସିର ଲହରୀ । ତେବେ ଅଲ୍ଲୁ ତାଙ୍କର ଏହି ଜନ୍ମଦିନରେ ଦର୍ଶକମାନଙ୍କୁ ଏକ ଧମାକାଦାର ଭେଟି ଦେଇଛନ୍ତି । ତାଙ୍କର ବହୁ ପ୍ରତିକ୍ଷୀତ ଫିଲ୍ମ ପୁଷ୍ପା-୨ରଟିଜର ରିଲିଜ ହୋଇଛି । ଏଥିରେ ସାଉଥ ସୁପରଷ୍ଟାର ଅଲ୍ଲୁଙ୍କୁ ଭିନ୍ନ ଏକ ଲୁକରେ ଦେଖିବାକୁ ମିଳିଛି । ଏହି ଭିଡିଓରେ ସୁପଷ୍ଟାର ଶାଢୀ, ଚୁଡି, ଘୁଙ୍ଗୁର ପିନ୍ଧିବା ସହ ଦମଦାର ଫାଇଟ୍ ମଧ୍ୟ କରୁଥିବା ନଜର ଆସିଛନ୍ତି ।
ତେବେ ପୁଷ୍ପା -୨ ର ପୋଷ୍ଟରେ ଅଲ୍ଲୁଙ୍କ ଲୁକ ଯେମିତି ଥିଲା ଭିଡିଓରେ ମଧ୍ୟ ଠିକ୍ ସେମିତି ହିଁ ରହିଛି । ସେ ଅର୍ଦ୍ଧନାରୀଶ୍ୱର ବେଶରେ ନଜର ଆସି ଦର୍ଶକମାନଙ୍କହୃଦୟ ଜିତିଛନ୍ତି । ଏହା ବ୍ୟତୀତ ପୁଷ୍ପା ବେକରେ ଲେମ୍ବୁ ହାର ସହ ମୁହଁରେ ଅବିର ଏବଂ ହାତରେ ତ୍ରୀଶୁଳ ଧରିଛନ୍ତି । ଟିଜର ରିଲିଜ ହେବାର ମାତ୍ର କିଛି ସମୟ ମଧ୍ୟରେ ହିଁ ଏହା ମିଲିୟନ ଭିୟୁସ୍ କ୍ରସ କରିବା ସହ ଦର୍ଶକଙ୍କ ହୃଦୟ ଜିତିଛି ।
ବର୍ଷେ ପୂର୍ବରୁ ପୁଷ୍ପା-୨ ଚଳଚ୍ଚିତ୍ରର ପ୍ରଥମ ଝଲକ ଦଶର୍କଦେଖିବାକୁ ପାଇଥିଲେ । ଯେଉଁଥିରେ ପୁଷ୍ପାକୁ ପୋଲିସ ଖୋଜୁଥିବା ବେଳେ ପୁଷ୍ପା ଜଙ୍ଗଲରେ ବୁଲୁଥିବାର ଦଖିବାକୁ ମିଳିଥିଲା । ୩ ମିନିଟ୍ ୧୪ ସେକେଣ୍ଡର ଏହି ଭିଡିଓକୁ ସିନେ ପ୍ରେମୀ ପସନ୍ଦ କରିବା ସହ ପୁଷ୍ପାର -୨ର ରିଲିଜକୁ ଦୀର୍ଘ ଦିନ ହେବ ଅପେକ୍ଷା କରିଥିଲେ ଦଶର୍କ । ଯାହାର ଆଜି ଟିଜର ରିଲିଜ ହୋଇଛି ।
କରୋନା ପରେ ପରେ ରିଲିଜ ହୋଇଥିବା ପୁଷ୍ପା ଫିଲ୍ମକୁ ଦର୍ଶକ ବେଶ ପସନ୍ଦ କରିଥିଲେ । ଖାସକରି ଅଲ୍ଲୁ ଅର୍ଜୁନଙ୍କର ଅଭିନୟ ଦର୍ଶକଙ୍କୁ ମତୁଆଲା କରିଥିଲା । ସଭିଙ୍କ ମୁହଁରୁ ଶୁଣିବାକୁ ମିଳୁଥିଲା ପୁଷ୍ପା ଝୁକେଗା ନେହିଁ ଡାଇଲଗ । ଏବେ ପାଖାପାଖି ଅଢେଇ ବର୍ଷ ପରେ ପୁଷ୍ପା-୨ ଫିଲ୍ମର ଟିଜର ରିଲିଜ ହୋଇଛି । ତେବେ ସୁକୁମାରଙ୍କ ନିର୍ଦ୍ଦେଶିତ ଏହି ଫିଲ୍ମ ଆସନ୍ତା ଅଗଷ୍ଟ ୧୫ ତାରିଖରେ ବଡ଼ ପରଦାକୁ ଆସିବ । ଅଲ୍ଲୁ ଅର୍ଜୁନ ଏହି ପଷ୍ପା-୨ ଚଳଚ୍ଚିତ୍ର ପାଇଁ ୨୧୦କୋଟି ଟଙ୍କା ପାରିଶ୍ରମିକ ନେଇଥିବା ଏକ ରିପୋର୍ଟରୁ ଜଣାପଡିଛି ।
