SunstarTV
ସରିନି ଦଳ ଡିଆଁ । ଗୋଟିଏ ପରେ ଗୋଟିଏ ପୁରୁଖା ନେତା ଛାଡ଼ୁଛନ୍ତି ଦଳ ।ଏହା ଭିତରେ ଦଳ ଛାଡିଛନ୍ତି ବିଜେପିର ହେବିୱେଟ ନେତା ଭୃଗୁ ବକ୍ସିପାତ୍ର ।
ସେ ତାଙ୍କ ଇସ୍ତଫାପତ୍ରରେ ଲେଖିଛନ୍ତି ଯେ, ୨୩ ବର୍ଷ ଧରି ଦଳର ଉନ୍ନତି ପାଇଁ ପ୍ରୟାସ କରିଛି । ଦଳ ଦେଇଥିବା ଦାୟିତ୍ବ ନିଷ୍ଠା ଓ ସ୍ଥିରତାର ସହ ତୁଲାଇଛି । ଦଳରେ ଅଣଦେଖା ଓ ଅବହେଳା ପାଇଁ ମୁଁ ଆଜି ଦଳ ଛାଡ଼ିଲି ।
ସୂଚନା ମୁତାବକ ବିଜେପି ଛାଡ଼ିଛନ୍ତି ଭୃଗୁ ବକ୍ସିପାତ୍ର।ସେ ବିଜେପିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇ ଛନ୍ତି । ସେ ତାଙ୍କ ଇସ୍ତଫାପତ୍ର ରାଜ୍ୟ ସଭାପତିଙ୍କ ନିକଟକୁ ପଠାଇଛନ୍ତି। ୨୦୧୯ରେ ବ୍ରହ୍ମପୁରରୁ ବିଜେପି ଲୋକସଭା ପ୍ରାର୍ଥୀ ଥିଲେ ଭୃଗୁ । ଏହା ଭିତରେ ସେ ରାଜ୍ୟ ବିଜେପିର ଉପସଭାପତି କାର୍ଯ୍ୟ ମଧ୍ୟ ତୁଲାଇଛନ୍ତି । ତେବେ ବିଜେପି ଛାଡି କେଉଁ ଶିବିର ଯିବେ ତାହା ସ୍ପଷ୍ଟ ହେଇ ନଥିବା ବେଳେ ବିଜେଡି ଗଡ଼ କୁ ଯିବେ ବୋଲି ଚର୍ଚ୍ଚା ଜୋର ଧରିଛି ।
