Sunstar TV
ଭୁବନେଶ୍ୱର : ଅଭିନେତ୍ରୀ ଉର୍ବଶୀ ରାଉତେଲା ପୁଣିଥରେ ଭାରତୀୟ କ୍ରିକେଟର ରିଷଭ ପନ୍ତଙ୍କ ସହ ବିବାଦ କୁ ନେଇ ଖବରର ହେଡଲାଇନ ପ୍ରସ୍ତୁତ କରିଛନ୍ତି । ଗତ କିଛି ବର୍ଷ ମଧ୍ୟରେ ଉର୍ବଶୀ ରାଉତେଲା ଏବଂ ରିଷଭ ପନ୍ତଙ୍କ ସମ୍ପର୍କକୁ ନେଇ ଫ୍ୟାନ୍ସଙ୍କ ମଧ୍ୟରେ କଥା ବଢିଥିଲା । କିନ୍ତୁ ଯେତେବେଳେ ଉର୍ବଶୀ ‘ଆରପି’ ମେନସନ କରି ନିଜର ଏକ ସାକ୍ଷାତକାର ଦେଇଥିଲାବେଳେ ରିଷଭ ପନ୍ତ ଏହାକୁ ଏକ ପ୍ରଚାର ପ୍ରସାର ବୋଲି ସୋସିଆଲ ମିଡ଼ିଆ ରେ ପୋଷ୍ଟ କରିଥିଲେ । ଏହା ପରେ ସୋସିଆଲ ମିଡିଆ ମାଧ୍ୟମରେ ପରସ୍ପର ଉପରେ ଦୁହେଁ ଖୁବ ବର୍ଷିଥିଲେ । ହେଲେ ବର୍ତ୍ତମାନ ଉର୍ବଶୀ ରାଉତେଲାଙ୍କ ନୂତନ ବିଜ୍ଞାପନ ଯାହାକି ଏକ Matrimonial advertisement ସେହି ବିଜ୍ଞାପନକୁ ଆଧାର କରି ପୁଣି ଥରେ ରିଷଭ ପନ୍ତଙ୍କ ସହ ଉର୍ବଶୀ ରାଉତେଲା ବିବାଦକୁ ଆସିଛନ୍ତି ।
ସୂଚନା ଯୋଗ୍ୟ ଯେ, ଏହି ବିଜ୍ଞାପନ ପରେ,ପ୍ରଶଂସକମାନେ ଅନୁଭବ କରିଛନ୍ତି ଯେ ଉର୍ବଶୀ ରାଉତେଲା କ୍ରିକେଟର ରିଷଭ ପନ୍ତଙ୍କ ଉଚ୍ଚତାକୁ ପରିହାସ କରିଛନ୍ତି । ତେବେ ଅଭିନେତ୍ରୀ ତାଙ୍କ ଇନଷ୍ଟା ଷ୍ଟୋରୀ ରେ ଏକ ଲମ୍ବା ପୋଷ୍ଟ ଲେଖି ସ୍ପଷ୍ଟୀକରଣ ଦେଇଛନ୍ତି। ସେ କହିଛନ୍ତି ଯେ ବିଜ୍ଞାପନରେ ଯାହା କୁହାଯାଇଥିଲା ତାହା ସ୍କ୍ରିପ୍ଟର ଏକ ଅଂଶ। ତେବେ ସ୍କ୍ରିପ୍ଟ ଏଭଳି କିଛି ଥିଲା କି , ଉକ୍ତ ବିଜ୍ଞାପନରେ ଅଭିନେତ୍ରୀ କହିଛନ୍ତି , ସେ ଅନେକ ବ୍ୟବସାୟୀ, ଅଭିନେତା ଏବଂ କିଛି କ୍ରିକେଟରଙ୍କ ସମେତ ବହୁ ଲୋକଙ୍କୁ ଭେଟିଛନ୍ତି ଯେଉଁ ମାନେ ତାଙ୍କ ଉଚ୍ଚତାର ନୁହନ୍ତି । ଏହି କଥା ପ୍ରଶଂସକମାନେ କହିଛନ୍ତି ଯେ ଉର୍ବଶୀ ରାଉତେଲା ତାଙ୍କ ନାମ ନ ନେଇ କ୍ରିକେଟରଙ୍କୁ ପରିହାସ କରିଛନ୍ତି । ଉର୍ବଶୀ ଏବଂ ରିଷଭଙ୍କୁ ନେଇ ଟ୍ରୋଲ କରିବା ଆରମ୍ଭ ହୋଇଥିଲାବେଳେ ଏନେଇ ଉର୍ବଶୀ ରାଉତେଲା ସ୍ପଷ୍ଟୀକରଣ ମଧ୍ୟ ଦେଇଛନ୍ତି, ସେ ଇନଷ୍ଟା ଷ୍ଟୋରୀରେ ଏକ ପୋଷ୍ଟ ଲେଖିଛନ୍ତି ଯେ, ଏହା ବ୍ରାଣ୍ଡ ଦ୍ୱାରା ଦିଆଯାଇଥିବା ଏକ ସାଧାରଣ ସ୍କ୍ରିପ୍ଟ, କାହା ପ୍ରତି ଇଙ୍ଗିତ କରାଯାଇ ନାହିଁ । ଏବଂ ଦାୟିତ୍ୱବାନ ଭାବେ, ମୁଁ ଏକ ବ୍ରାଣ୍ଡ ଆମ୍ବାସାଡର ଭାବରେ ଲୋକଙ୍କ ଉପରେ ଏହାର ପ୍ରଭାବ ଅନୁମାନ କରିପାରୁଛି ।
