Sunstar TV
ଭୁବନେଶ୍ୱର : ଆଜି ସଂତୃପ୍ତ ମିଶ୍ର ବିଜେଡି ଛାତ୍ର ଯୁବ ବାହିନୀ ସହ ସାକ୍ଷାତ କରି ନିର୍ବାଚନରେ ସମସ୍ତେ ଏକାଠି ହୋଇ କାମ କରିବା ଓ କଟକର ବିକାଶ ଲାଗି ବିଜେଡି ଯୁବ ଓ ଛାତ୍ର ବ୍ରିଗେଡଙ୍କୁ ଆହ୍ବାନ ଦେଇଛନ୍ତି । ଉକ୍ତ ସାକ୍ଷାତକାରରେ ନିଜର ନିର୍ବାଚନୀ ପ୍ରସ୍ତୁତି ଉପରେ ମତାମତ ରଖିଛନ୍ତି । ସେ କହିଛନ୍ତି, ବାରବାଟୀ ଯୁବ ବାହିନୀ ଦଳ ସୁଦୃଢ଼ ଅଛି ତେଣୁ କୌଣସି ବିରୋଧୀଙ୍କ ରଣନୀତି ଏଠାରେ କାର୍ଯ୍ୟ କରିବା ନାହିଁ । ଏହି ଗଣତାନ୍ତ୍ରିକ ପ୍ରକ୍ରିୟାରେ ବିରୋଧୀ ଦଳର ପ୍ରାର୍ଥୀ ରହିବେ ଏଥିରେ କିଛି ଫରକ ପଡିବ ନାହିଁ କିନ୍ତୁ ବିଜୁ ଛାତ୍ର ଯୁବ ଦଳର ସଦସ୍ୟ ମୋତେ ନିଶ୍ଚୟ ଜିତାଇବେ ଏଥିରେ କିଛି ଦ୍ଵନ୍ଦ ନାହିଁ ବୋଲି ମତାମତ ରଖିଛନ୍ତି ସଂତୃପ୍ତ ମିଶ୍ର । ସେପଟେ ଭର୍ତ୍ତୃହରିଙ୍କ ବାବଦରେ କହିଛନ୍ତି ତାଙ୍କର ଅଭିଜ୍ଞତା ଥାଇପାରେ ଓ ମୁଁ ତାକୁ ସମ୍ମାନ ମଧ୍ୟ କରେ ହେଲେ କ୍ରିକେଟରେ ଦେଖିଥିବେ ନୂତନ ବ୍ୟାଟ୍ସମ୍ୟାନ୍ ପୁରୁଣା ବୋଲରଙ୍କୁ ଚୌକା ଛକା ଅନେକ ସମୟରେ ମାରନ୍ତି କିଛି ଏଭଳି କହି ଭର୍ତ୍ତୃହରିଙ୍କୁ ଆଡ଼କୁ ଇଙ୍ଗିତ କରିବା ସହ ଏକଥା ମଧ୍ୟ କହିଛନ୍ତି ଇତିହାସରେ ଏଭଳି ଅନେକ କଥା ରହିଛି ଯେଉଁଠି ନୂତନତ୍ବ ଓ ଅଭିଜ୍ଞତା ଭିତରେ ନୂତନତ୍ବ ଲୋକ ହିଁ ଜିତିଥାଏ । ଅଳ୍ପ ସମୟ ଓ ଖରା ଗରମରେ ଲୋକଙ୍କୁ ଅସୁବିଧାରେ ନ ପକାଇ କିଭଳି ଲୋକଙ୍କ ପାଖରେ ପହଞ୍ଚି ପାରିବେ ତାହା ହିଁ ତାଙ୍କ ପାଇଁ ବଡ଼ ଚାଲେଞ୍ଜ ବୋଲି ପରିପ୍ରକାଶ କରିଛନ୍ତି ।
