Sunstar TV
ଭୁବନେଶ୍ୱର : କୋଲକାତାରୁ କାର ଯୋଗେ ଆସୁଥିଲା ଚୋରା ସୁନା । କଟକସ୍ଥିତ ମଙ୍ଗୁଳି ଟୋଲ୍ ପ୍ଲାଜା ନିକଟରେ DRI ହାତରେ ଧରାପଡିଛି ଏହି କାର । ସୂଚନା ମୁତାବକ, କଟକସ୍ଥିତ ମଙ୍ଗୁଳି ଟୋଲ୍ ପ୍ଲାଜା ନିକଟରେ କୋଲକାତାରୁ ଏକ ହୁଣ୍ଡାଇ କ୍ରେଟା କାର ଯୋଗେ ସୁନା ବିସ୍କୁଟ ଚୋରା ଚାଲାଣ ହେଉଥିଲା । ସନ୍ଧାନ କରୁ କରୁ ସୁନାକୁ ଗାଡ଼ି ଭିତରେ ଲୁଚାଇ ରଖାଯାଇଥିବା ଜଣାପଡିଥିଲା । ତେବେ ମୋଟ ୬୫ ପିସ୍ ଚୋରା ସୁନା ବିସ୍କୁଟ ଜବତ କରିଚି DRI । ଯାହାର ମୂଲ୍ୟ ୬କୋଟି ୪୪ଲକ୍ଷ ୪୬ହଜାର ୧୬୪ ଟଙ୍କା । କେବଳ ସେତିକି ନୁହେଁ କଷ୍ଟମ୍ସ ଆକ୍ଟ, 1962 ଅନୁଯାୟୀ 2 ଜଣଙ୍କୁ ଗିରଫ କରିବା ସହ ଚାଲାଣ ବେଳେ ବ୍ୟବହୃତ କ୍ରେଟା ଗାଡ଼ିକୁ ମଧ୍ୟ ଜବତ କରାଯାଇଛି । ଏହା ସହ ଅଧିକ ଅନୁସନ୍ଧାନ ଜାରିରହିଚି ।
