ଭୁବନେଶ୍ୱର : କଂଗ୍ରେସ ଛାଡ଼ିଥିବା ଚିରଞ୍ଜୀବ ବିଶ୍ୱାଳ ଆଜି ବିଜେଡିରେ ମିଶିଛନ୍ତି । ନିର୍ବାଚନ ଯେତିକି ପାଖେଇ ଆସୁଛି ରାଜନୈତିକ ମାହୋଲ ସେତିକି ସରଗରମ ହେଉଛି । ନେତା ଦଳ ବଦଳ ପ୍ରକ୍ରିଠାରୁ ଆରମ୍ଭକରି ଦଳରୁ ଇସ୍ତଫା ପର୍ଯ୍ୟନ୍ତ ତେବେ ଏହା ଭିତରେ ଆଜି ଆଉ ଏକ ଘଟଣା ଦେଖିବାକୁ ମିଳିଛି । କାଲି କଂଗ୍ରେସ ଛାଡିଥିବା ଚିରଞ୍ଜୀବ ବିଶ୍ୱାଳ ଆଜି ବିଜେଡିରେ ମିଶିଛନ୍ତି।
ସୂଚନା ମୁତାବକ ପିସିସି ସଭାପତି ଶରତପଟ୍ଟନାୟକଙ୍କୁ ଇସ୍ତଫା ପତ୍ର ପଠାଇଥିଲେ । ଚିରଞ୍ଜୀବ ବିଶ୍ୱାଳ ଜଗତସିଂହପୁରର କଂଗ୍ରେସର ଟାଣୁଆ ନେତା ଥିଲେ । ୨୦୦୪ ରୁ ୨୦୦୯ ତିର୍ତ୍ତୋଲର ବିଧାୟକ ଭାବେ ରହିଥିଲେ ପରବର୍ତ୍ତୀ ସମୟରେ ଅର୍ଥାତ ୨୦୧୪ ରୁ ୨୦୧୯ ଜଗତସିଂହପୁରର ବିଧାୟକ ହୋଇଥିଲେ । ବିଧାନସଭାରେ ବିରୋଧି ଦଳର ଉପନେତା ଥିଲେ ଚିରଞ୍ଜୀବ । ଏପରିକି ବିଧାନସଭାରେ ବିରୋଧୀ ଦଳର ଉପନେତା ଭାବେ ମଧ୍ୟ କଂଗ୍ରେସ ସ୍ୱରକୁ ଶାଣିତ କରିଥିଲେ । ହେଲେ ୨୦୨୪ ନିର୍ବାଚନ ପୂର୍ବରୁ କାହିଁକି ଦଳ ଛାଡିଲେ ତାହାକୁ ନେଇ ଚର୍ଚ୍ଚା ହେଉଛି। ଚିରଞ୍ଜୀବ କଂଗ୍ରେସ ଛାଡିବା ଫଳରେ ଦଳକୁ ଶକ୍ତ ଝଟକା ଲାଗିଛି।
