Sunstar Tv
Anubhav Mohanty: ସିନେ ତାରକାମାନେ ବିଜେଡି ଛାଡିବାରେ ଲାଗିଛନ୍ତି। ଅରିନ୍ଦମ ରାୟ, ସିଦ୍ଧାନ୍ତ ମହାପାତ୍ର, ଆକାଶ ଦାସ ନାୟକଙ୍କ ପରେ ଏବେ ଅନୁଭବ ମହାନ୍ତି ମଧ୍ୟ ବିଜେଡି ଛାଡିଛନ୍ତି। ବିଜେଡି ସଭାପତି ନବୀନ ପଟ୍ଟନାୟକଙ୍କ ପାଖକୁ ସେ ତାଙ୍କ ଇସ୍ତଫାପତ୍ର ପଠାଇଛନ୍ତି।
ନିକଟରେ ପୂର୍ବତନ ସାଂସଦ ସିଦ୍ଧାନ୍ତ ମହାପାତ୍ର ମଧ୍ୟ ବିଜେପିରେ ସାମିଲ ହୋଇଥିଲେ। କିନ୍ତୁ ଅଭିନେତା ଅରିନ୍ଦମ ରାୟ ବିଜେଡି ଛାଡ଼ି ବିଜେପିରେ ମିଶିବା ପରେ ସିଦ୍ଧାନ୍ତ ଓ ଅନୁଭବଙ୍କୁ ନେଇ ଚର୍ଚ୍ଚା ବଢିଥିଲା। ବର୍ତ୍ତମାନ ଅନୁଭବଙ୍କ ଇସ୍ତଫା ଦେଇ ଚର୍ଚ୍ଚାକୁ ନିଶ୍ଚିତ କରିଛନ୍ତି।
ସେହିପରି ଦୋଳ ପୂର୍ଣ୍ଣିମା ଅବସରରେ ଅନୁଭବଙ୍କୁ ଭର୍ତୃହରିଙ୍କ ସହ ଦେଖିବାକୁ ମିଳିଥିଲା । ଯାହାକୁ ଏହି ଚର୍ଚ୍ଚାକୁ ଆହୁରି ଖୋରାକ ଯୋଗାଇଥିଲା। ପଦ୍ମଶ୍ରୀ ଦମୟନ୍ତୀ ବେଶ୍ରା ମଧ୍ୟ ବିଜେପିରେ ସାମିଲ ହୋଇସାରିଛନ୍ତି।
ଅନ୍ୟପଟେ ବିଜେଡିରୁ ଇସ୍ତଫା ଦେଇ ବିଜେପିରେ ଯୋଗ ଦେଇଛନ୍ତି ଉତ୍ତର ଭୁବନେଶ୍ୱରର ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର। ଆଜି ସକାଳେ ବିଜେଡିରୁ ଇସ୍ତଫା ଦେଇଥିଲେ, ମଧ୍ୟାହ୍ନରେ ବିଜେପିରେ ସାମିଲ ହୋଇଛନ୍ତି।
ନିଜ ସମର୍ଥକଙ୍କ ସହ ବିଜେପି କାର୍ଯ୍ୟାଳୟରେ ରାଜ୍ୟ ନିର୍ବାଚନ ପ୍ରଭାରୀ, ସଭାପତି ମନମୋହନ ସାମଲ, ଅପରାଜିତା ଷଡଙ୍ଗୀ ଓ ବରିଷ୍ଠ ନେତାଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି ପ୍ରିୟଦର୍ଶୀ। ବିଜେଡିରୁ ତାଙ୍କୁ ଅଣଦେଖା କରିବା ସହ ବାରମ୍ବାର ଅବହେଳା କରାଯାଉଥିବାରୁ ବାଧ୍ୟ ହୋଇ ଦଳ ଛାଡିଥିବା କହିଥିଲେ ପ୍ରିୟଦର୍ଶୀ।
