ସମ୍ବଲପୁର ଗଡ ହେବ କାହାର ?

Sunstar TV

ଭୁବନେଶ୍ୱର : ବିଜେଡି ପ୍ରଥମ ପ୍ରାର୍ଥୀ ତାଲିକା ଘୋଷଣା କରିସାରିଛି । କେଉଁ ନିର୍ବାଚନ ମଣ୍ଡଳୀରେ କିଏ ପ୍ରାର୍ଥୀ ରହିବେ ଏନେଇ ସୁପ୍ରିମୋଙ୍କ ଦ୍ୱାରା ନିଷ୍ପତ୍ତି ହୋଇସାରିଛି । ପ୍ରଥମ ପର୍ଯ୍ୟାୟରେ ଲୋକସଭାର ୯ ଓ ବିଧାନସଭାର ୭୨ ଜଣଙ୍କ ନାମ ପ୍ରାର୍ଥୀ ତାଲିକାରେ ଘୋଷଣା ହୋଇଛି । ମାର୍ଚ୍ଚ ୨୫ ତାରିଖ ଦିନ ବିଜେପି ପଞ୍ଚମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଥିବାବେଳେ ଆଜି ବିଜେଡି ପ୍ରଥମ ପ୍ରାର୍ଥୀ ତାଲିକା ଘୋଷଣା କରିଛି । ଦଳୀୟ ସୁପ୍ରିମୋଙ୍କ ପକ୍ଷରୁ ଏନେଇ ଭିଡିଓ ବାର୍ତ୍ତା ମଧ୍ୟ ଜାରି ହୋଇଛି । ତେବେ ଜଣାପଡିଛି ବର୍ତ୍ତମାନର ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଚଳିତ ନିର୍ବାଚନରେ ସମ୍ବଲପୁରରୁ ଲୋକସଭା ପ୍ରାର୍ଥୀ ଭାବେ ନିର୍ବାଚନ ଲଢ଼ିବେ । ବିଜେପିର ପଞ୍ଚମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାରେ ସମ୍ବଲପୁରରୁ ଧର୍ମେନ୍ଦ୍ର ପ୍ରଧାନ ମୈଦାନକୁ ଓଲ୍ହାଇବେ ବୋଲି ସ୍ପଷ୍ଟ ହୋଇଛି । ସମ୍ବଲପୁରକୁ ନେଇ ଯେଉଁ ଚର୍ଚ୍ଚା ଦୀର୍ଘ ଦିନରୁ ଲାଗିରହିଥିଲା ତାହା ବାସ୍ତବତାର ରୂପ ନେଇଛି । ଏଭଳି ସ୍ଥିତିରେ ଜନତାଙ୍କ ମନ ଜିଣିବା କାହା ପାଇଁ ହେବ କଷ୍ଟସାଧ୍ୟ ? କିଏ ଜନତାଙ୍କ ପାଖରେ ପହଞ୍ଚିବ ? ଜଣେ କଥାରେ ତୀର ମାରୁଥିବାବେଳେ ଜଣେ କର୍ମବୀର । ଦଳୀୟ ପ୍ରେମ ଆଗରେ ଜଣେ ଅନ୍ଧ ଜନତାଙ୍କ ସେବାରେ ଉତ୍ସର୍ଗିକୃତ । ରାଜ୍ୟ ବାସୀ ଓ ଦଳୀୟ ସ୍ୱାର୍ଥ ପାଇଁ ପରିବାର ସଦସ୍ୟ ଙ୍କୁ ବି ବବି ଦାସ ଭୁଲିଯାଇଛନ୍ତି । ଅନ୍ୟ ପକ୍ଷେ ପଡିଛି ରାଜପଥ ହେଉଛି ଦୁର୍ଘଟଣା ହେଲେ ମନ୍ତ୍ରୀ ଙ୍କର ଦୃଷ୍ଟିପାତ କି କର୍ଣ୍ଣପାତ ହେଉ ନାହିଁ । କେତେ ଥର ତେର୍ଚ୍ଛା ପ୍ରଶ୍ନବାଣ ବାଜିଲା, ସିଧାସଳଖ ଅଭିଯୋଗ ବି ହେଲା ହେଲେ ରାଜରାସ୍ତାରେ ଦୁର୍ଘଟଣା ସେମିତି ବଳବତ୍ତର ରହିଲା । ଦୀର୍ଘ ବର୍ଷ ପରେ ମଧ୍ୟ ମରାମତି କାର୍ଯ୍ୟ ସମ୍ପୂର୍ଣ୍ଣ ହୋଇପାରିନାହିଁ । ହେଲେ ଅନେକ ଦିନ ହେଲାଣି ନିଜର ରାଜନୈତିକ କ୍ଷେତ୍ରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦବଦବା ରଖିଛନ୍ତି । ୨୪ ନିର୍ବାଚନକୁ ନେଇ ଜନତାଙ୍କ ଆଗ୍ରହ କହିଲେ ନ ସରେ, ମାହୋଲ ସରଗରମ ସେଇ ଚେହେରା ସେଇ ନା କିନ୍ତୁ ନିର୍ବାଚନୀ ସ୍ଥାନ ଓ ଆସନ ବଦଳିଯାଇଛି। ଓଡ଼ିଶାବାସୀଙ୍କ ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଥା କମ କାମରେ ବେଶୀ ବିଶ୍ୱାସ କରନ୍ତି । ତାଙ୍କ ଆଦର୍ଶରେ ଅନୁପ୍ରାଣିତ ବବି ଦାସ । ନିଷ୍ଠାପର କର୍ମ ଓ ଦଳୀୟ ପ୍ରେମ ପାଇଁ ଜନତାଙ୍କ ଜନନାୟକ ସେ। ନିଜର ହେଭିୱେଟ ନେତାଙ୍କୁ ଦେଇଛି ବିଜେପି… ବିଜେଡି ବି ପଡିନି ପଛରେ ବିଜେପି କୁ ମାତ ଦେବା ପାଇଁ ରାଜନୈତିକ କୁରୁକ୍ଷେତ୍ରରେ ବିଜେଡିର ବବି ଦାସ ବ୍ରହ୍ମାସ୍ତ୍ର ସାଜିଛନ୍ତି । ଏହି ୨୪ ନିର୍ବାଚନରେ ଅନେକ ହେଭିୱେଟ ଦଳ ଛାଡିଛନ୍ତି ଓ ଦଳରେ ଯୋଗ ମଧ୍ୟ ଦେଇଛନ୍ତି । ଏହି ଦଳ ବଦଳ ରାଜନୀତି ଭିତରେ ରାଜନୈତିକ ସମୀକରଣ ଜୋରଦାର ଚାଲିଛି । ଫଳାଫଳ ତ ଜଣାଇବ ନିର୍ବାଚନ କିଏ ୨୪ ନିର୍ବାଚନରେ ସମ୍ବଲପୁରରେ ଗଡ ଗଢ଼ିବ ।