SUNSTARTV
ସାରା ଦୁନିଆ ଏବେ ରଙ୍ଗର ପର୍ବ ହୋଲିରେ ରଙ୍ଗେଇ ହୋଇଛି । କିଏ ପରିବାର ସହିତ ହୋଲିକୁ ପାଳନ କରୁଛି ତ ଆଉ କିଏ ସାଙ୍ଗ ସାଥି ସହ ଖେଳୁଛି ରଙ୍ଗ । ଯେଉଁଥିରୁ ବାଦ ପଡିନି ବଲିଉଡ ଦୁନିଆ । ସମସ୍ତେ ରଙ୍ଗ ଖେଳରେ ମସଗୁଲ ଥିବାବେଳେ ବି -ଟାଉନର କିଛି ସେଲିବ୍ରେଟି ଖେଳୁଛନ୍ତି ଭିନ୍ନ ଏକ ରଙ୍ଗ। ହୋଲିରେ ବଲିଉଡ୍ ଦୁନିଆରୁ ମନ ଖୁସି କରିଦେବା ଭଳି ଏକ ଖବର ବର୍ତ୍ତମାନ ସାମ୍ନାକୁ ଆସିଛି । ଯାହା ଜାଣିବା ପରେ ଫ୍ୟାନ୍ସଙ୍କ ମନରେ ଖେଳି ଯାଇଛି ଖୁସିର ଲହରୀ ।
ହଁ ଆଜ୍ଞା ଆମେ କହୁଛି ଲେଡି ଦବଂଗ ବା ଆକ୍ସନ ହିରୋଇନ ତାପସୀ ପନ୍ନୁଙ୍କ କଥା । ଯିଏ କି ବର୍ତ୍ତମାନ ମିସସ ରୁ ହୋଇଯାଇଛନ୍ତି ମିସେସ ତାପସୀ। ଯାହାକି ବର୍ତ୍ତମାନ ସୋସିଆଲ ମେଡିଆରେ ଖୁବ ଭାଇରଲ ହେବାର ଲାଗିଛି । ତେବେ ଅଭିନେତ୍ରୀ ତାପସୀ ନିଜର ବହୁ ଦିନର ବିଦେଶୀ ବୟଫ୍ରେଣ୍ଡ ମାଥିଆସ୍ ବୋଙ୍କୁ ଲୁଚି ଲୁଚି ବିବାହ କରିଛନ୍ତି । ଏହି ଖବର ସାମ୍ନାକୁ ଆସିବା ପରେ ପ୍ରଶଂସକଙ୍କ ମନରେ ଖୁସିର ଲହରୀ ଖେଳିଯିବା ସହ ତାପସୀଙ୍କ ବଏଫ୍ରେଣ୍ଡ ବିଷୟରେ ଜାଣିବା ପାଇଁ ଆଗ୍ରହ ପ୍ରକାଶ ପାଇଛି ।
ମିଳିଥିବା ସୂଚନା ଅନୁଯାଇ ତାପସୀ ଡେ଼ନମାର୍କର ବ୍ୟାଡମିଣ୍ଟନ ପ୍ଲେୟାର ମାଥିଆସ୍ ବୋଙ୍କୁ ଚଳିତ ମାସ ୨୩ ତାରିଖରେ ବିବାହ କରିଛନ୍ତି । ଉଭୟ ଉଦୟପୁରରେ ଲୁଚିଛପି ବିବାହ ବନ୍ଧନରେ ବାନ୍ଧି ହୋଇଛନ୍ତି ।ତାପସୀଙ୍କ ଏହି ବିବାହ ଉତ୍ସବରେ ବର-କନ୍ୟାଙ୍କ ପରିବାର ଲୋକଙ୍କ ସମେତ ଅତି ନିକଟତମ ସଂପର୍କୀୟ ସାମିଲ ହୋଇଥିଲେ ।ଏହା ବ୍ୟତୀତ ତାପସୀ ଖୁବ୍ ଶୀଘ୍ର ମୁମ୍ବାଇରେ ନିଜ ସାଙ୍ଗସାଥି ଓ ଫିଲ୍ମ ଇଣ୍ଡଷ୍ଟ୍ରୀ ଲୋକଙ୍କୁ ଏକ ସୁନ୍ଦର ୱେଡିଂ ପାର୍ଟି ଦେବେ ବୋଲି ସୂଚନା ମିଳୁଛି । କୁହାଯାଉଛି କି ତାପସୀଙ୍କ ବିବାହରେ ଫିଲ୍ମ ନିର୍ମାତା ଅନୁରାଗ କଶ୍ୟପ ଓ ଲୋକପ୍ରିୟ ନିର୍ମାତା କନିକା ଧିଲ୍ଲନ ମଧ୍ୟ ସାମିଲ ହୋଇଥିଲେ । ତେବେ କନିକା ବିବାହ ସମୟର ଅନେକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଥିଲେ ମଧ୍ୟ ସେ ନିଜ ପୋଷ୍ଟରେ ଏହା କହିନାହାନ୍ତି କି ଏହି ବିବାହ ଉତ୍ସବ କାହାର ।
ଅନ୍ୟ ପକ୍ଷେ ଅଭିନେତ୍ରୀ ତାପସୀ ଏବଂ ବ୍ୟାଡମିଣ୍ଟନ ପ୍ଲେୟାର ମାଥିଆସ୍ ଗତ ୧୦ ବର୍ଷ ହେବ ପରସ୍ପର ସହ ରେଲେସନସିପିରେ ରହିଥିଲେ। ପରିଶେଷରେ ଉଭୟ ପରସ୍ପରର ହାତ ଧିବ ସହ ୭ଜନ୍ମର ସାଥି ହୋଇଛନ୍ତି । ତେବେ ତାପସୀ ନିଜର ରିଲେସନକୁ ସର୍ବଦା ଲାଇମ୍ଲାଇଟରୁ ଦୂରରେ ରଖୁଥିବା ବେଳେ ପରିଶେଷରେ ଏହା ଲୋକ ଲୋଚନକୁ ଆସିଛି ।ଫଳରେ ଉଭୟଙ୍କ ଫଟୋ ସୋସିଆଲ ମେଡିଆରେ ଭାଇରଲ ହେବା ସହ ବିଭିନ୍ନ ପ୍ରକାର କମେଣ୍ଟ ଓ ଶୁଭେଚ୍ଛାର ସୁଅ ଛୁଟୁଛି । କିନ୍ତୁ ନିଜ ବିବାହ ଖବରକୁ ନେଇ ଦବଂଗ ହିରୋଇନ ତାପସୀ ପନ୍ନୁ ଅଧିକାରୀକ ଭାବରେ କୌଣସି ପ୍ରକାର ଘୋଷଣା କରିନାହାନ୍ତି ।
