Sunstar TV
ଭୁବନେଶ୍ୱର : ୨୦୨୪ ସାଧାରଣ ନିର୍ବାଚନରେ ତାରକା ମାନଙ୍କ ମେଳି ଲାଗିବ … ଅନେକ ତାରକା ଏବେ ୨୪ ରେସରେ ଧାବକ । ଫ୍ୟାସନ, ଷ୍ଟାଇଲ, ଲୁକ ଏସବୁ ପାଇଁ ଚର୍ଚ୍ଚିତ ଚେହେରା ଏବେ ରାଜନୀତି ପଶାପାଲିରେ ଚଳାଇବେ ଗୋଟି । ରଚନା ଓ କଙ୍ଗନାଙ୍କ ପରେ ଆଉ ଜଣେ ବଲିଉଡ ଅଭିନେତ୍ରୀ ରାଜନୈତିକ ମୈଦାନ କୁ ଏଣ୍ଟ୍ରି ମାରିବା ପାଇଁ ସଜାଡୁଛନ୍ତି ପାଲିଙ୍କି । ନିଜର ବିଳାସମୟ ଜୀବନ ପାଇଁ ସବୁବେଳେ ଟ୍ରେଣ୍ଡରେ ରହୁଥିବା ଉର୍ବଶୀ ରୌତେଲା, ବର୍ତ୍ତମାନ ସ୍ଥିତିରେ ରାଜନୀତିରେ ଏଣ୍ଟ୍ରି କରିବାକୁ ଯୋଜନା କରୁଛନ୍ତି। ଏହା ପ୍ରସାରଣ କରିବା ମିଥ୍ୟା ନୁହେଁ, ଏହି ସମ୍ବନ୍ଧରେ ସ୍ପଷ୍ଟତା ରଖିଛନ୍ତି ନିଜେ ଉର୍ବଶୀ । ସେ କହିଛନ୍ତି ଯେ ଟିକେଟ ପାଇସାରିଛନ୍ତି , କିନ୍ତୁ ସେ କୌଣସି ନିଷ୍ପତିରେ ପହଂଚିପାରିନାହାନ୍ତି । ଖାଲି ତାହା ନୁହେଁ, ରାଜନୀତିରେ ପାଦ ରଖିବା ଓ ନିର୍ବାଚନ ଲଢ଼ିବା ଉଚିତ କି ନା ଏହି ଦ୍ଵନ୍ଦର ନିସ୍କାସହ ପାଇଁ ସେ ପ୍ରଶଂସକଙ୍କଠାରୁ ମଧ୍ୟ ମତାମତ ନେବାକୁ ଚାହିଁଛନ୍ତି । “ଇନଷ୍ଟାଣ୍ଟ ବଲିଉଡ ” କୁ ଦିଆଯାଇଥିବା ଏକ ସାକ୍ଷାତକାର ରେ ଉର୍ବଶୀ ନିର୍ବାଚନ ଟିକେଟ ପାଇବା କଥା ପ୍ରକାଶ କରିଛନ୍ତି । ଏହି ୨୪ ରେସରେ ଅନେକ ତାରକାଙ୍କ ଭିଡ ଲାଗିଛି, ଅଭିନେତା ରୁ ରାଜନେତା ପାଲଟିଛି ଟ୍ରେଣ୍ଡ । କିଛି ଦିନ ପୂର୍ବରୁ ନିଜ ଜନ୍ମଦିନରେ ୨୪ କ୍ୟାରେଟ୍ ସୁନାର କେକ୍ କାଟିବା ପରେ ଲାଇମଲାଇଟ୍ ରେ ଆସିଥିବା ଉର୍ବଶୀ, ଏବେ ରାଜନୀତିକୁ ନେଇ ପାଲଟିଛନ୍ତି ଚର୍ଚ୍ଚାର କେନ୍ଦ୍ରବିନ୍ଦୁ । କେଉଁ ଦଳ, କେଉଁ ସ୍ଥାନରୁ ଲଢ଼ିବେ ଉର୍ବଶୀ, ତାହା ସମୟ ସହ ଜଣାପଡିବ । ୨୪ ନିର୍ବାଚନ ଯେତେ ଯେତେ ନିକଟତର ହେଉଛି ହଟଚମଟ ସାଙ୍ଗକୁ ରାଜନୀତି ପାଣିପାଗ ସେତେ ଉଷ୍ମ ହୋଇଚାଲିଛି । ମୁଖ ରଙ୍ଗେଈ ଅଭିନୟ କରୁଥିବା ଚେହେରା ରାଜନୀତିରେ କେଉଁ ଭୂମିକା ଗ୍ରହଣ କରୁଛି ତାହା ଜଣାଇବ ୨୪ ନିର୍ବାଚନ ।
