SUNSTARTV
ହିନ୍ଦୁ ଧର୍ମରେ ଅନେକ ଶାସ୍ତ୍ରପୁରାଣ ରହିଛି । ସେଥିମଧରୁ ଭିନ୍ନ ହେଉଛି ଜ୍ୟୋତିଷ ଶାସ୍ତ୍ର । ଏହି ଶାସ୍ତ୍ର ମଧ୍ୟରେ ଜ୍ୟୋତିଷ ବିଶାରଦ ମାନେ ଗ୍ରହ ନକ୍ଷେତ୍ରଙ୍କ ଗଣନା ଠାରୁ ଆରମ୍ଭ କରି ଜଣେ ବ୍ୟକ୍ତିର ଭାଗ୍ୟ ଭବିଷ୍ୟ ବିଷୟରେ ଅନେକ କିଛି କଥା କହିଥାନ୍ତି । ଏଥି ସହ କେଉଁଗ୍ରହ କେଉଁ ସମୟରେ ତାଙ୍କ ଗତିପଥ ପରିବର୍ତନ କରିବେ ତାହା ମଧ୍ୟ ଏହି ଜ୍ୟୋତିଷ ଶାସ୍ତ୍ର ମାଧ୍ୟମରେ ଜଣା ପଡିଥାଏ । ତେବେ ଏହି ଅନୁସାରେ ଆଜି ବର୍ଷର ପ୍ରଥମ ଚନ୍ଦ୍ର ଗ୍ରହଣ ଲାଗି ସାରିଛି । ଯାହାକି ହୋଲି ପର୍ବ ସମୟରେ ହିଁ ଲାଗିଛି । ତେବେ ଜ୍ୟୋତିଷ ଶାସ୍ତ୍ର ଅନୁସାରେ ଏହି ଚନ୍ଦ୍ର ଗ୍ରହଣ କନ୍ୟା ରାଶିରେ ଲାଗିଛି ଯେଉଁଠି ପୂର୍ବରୁ ରାହୁ ବସିଛନ୍ତି । ଫଳରେ ଏହା ହୋଲିରେ ସମସ୍ତ ରାଶି ଉପରେ କିଛି ନା କିଛି ପ୍ରଭାବ ପକାଇବ । ଖାସ କରି ଏହି ରାଶି ପାଇଁ ଏହି ହୋଲି ଅନେକ ସମସ୍ୟା ଆଣିବା ସହ ବିଭିନ୍ନ ଅସୁବିଧାର ମଧ୍ୟ ସମ୍ମୁଖୀନ ହେବେ । ତେବେ ଆସନ୍ତୁ ଜାଣିବା ଏହି ରାଶି ବିଷୟରେ ।
କନ୍ୟା :- ଜ୍ୟୋତିଷବିଦ୍ଙ୍କ ଅନୁସାରେ ବର୍ଷର ପ୍ରଥମ ଚନ୍ଦ୍ର ଗ୍ରହଣ କନ୍ୟା ରାଶିରେ ଲାଗିଛି । ତେଣୁ ଏହି ରାଶିର ବ୍ୟକ୍ତି ମାନଙ୍କ ଉପରେ ଏହାର ସବୁଠାରୁ ଅଧିକ ପ୍ରଭାବ ରହିବ । ତେଣୁ ଏହି ସମୟରେ ଏହି ରାଶିର ଲୋକମାନେ ସତର୍କ ରହିବା ଉଚିତ ।
୧- ଶାସ୍ତ୍ର ଅନୁସାରେ କନ୍ୟା ରାଶିର ବ୍ୟକ୍ତି ମାନେ ଚନ୍ଦ୍ର ଗ୍ରହଣ ସମୟରେ ଟଙ୍କା ପଇସା କାରବାର କରନ୍ତୁ ନାହିଁ । କାରଣ ଅର୍ଥ ନିବେଶ ପାଇଁ ଏହି ସମୟ ଅନୁକୂଳ ନୁହେଁ । ଏପି କଲେ କଲେ ଖର୍ଚ୍ଚ ବଢିବା ସହବ୍ୟାଙ୍କ ବାଲାନ୍ସ ମଦ୍ୟ ପ୍ରଭାବିତ ହେବ ।
୨- କନ୍ୟା ରାଶିର ଲୋକମାନଙ୍କୁ ଚାକିରୀ, ବ୍ୟବସାୟ, କ୍ୟାରିୟର କ୍ଷେତ୍ରରେ କ୍ଷତିର ସାମ୍ନା କରିବାକୁ ପଡିପାରେ । କାର୍ଯ୍ୟ କ୍ଷେତ୍ରରେ ବାଦବିବାଦ ବଢିପାରେ । ଲୋକଙ୍କ ସହ ମତାନ୍ତର ଉପୁଜିପାରେ ।
୩-ସ୍ୱାସ୍ଥ୍ୟ ପ୍ରତି ବିଶେଷ ସାବଧାନ ରହନ୍ତୁ । ପୁରୁଣା ରୋଗ ପୁଣି ଏହାର ପ୍ରତାପ ଦେଖାଇପାରେ । ଘରେ ମାତାପିତାଙ୍କ ସ୍ୱାସ୍ଥ୍ୟର ବିଶେଷ ଧ୍ୟାନ ରଖନ୍ତୁ ।
୪-ଦାମ୍ପତ୍ୟ ଜୀବନ ପ୍ରଭାବିତ ହୋଇପାରେ । ପାର୍ଟନରଙ୍କ ସହ କୌଣସି କଥାକୁ ନେଇ ମତାନ୍ତର ହୋଇପାରେ ।
