Sunstar TV
ଭୁବନେଶ୍ୱର : ଗ୍ଲାମର ଇଣ୍ଡଷ୍ଟ୍ରିର ନୂଆ ଫିଲ୍ମକୁ ନେଇ ଚର୍ଚ୍ଚା ଜଣେ ଦୁଇଜଣ ନୁହେଁ, ଗୋଟିଏ ଫିଲ୍ମ ରେ ନଜର ଆସିବେ ତିନି ଜଣ ଅଭିନେତ୍ରୀ । ତବୁ, କରୀନା କପୁର ଏବଂ କୀର୍ତି ସାନନ ଏକାଠି ନଜର ଆସିବେ । ଫିଲ୍ମ “ଦି କ୍ରୁ” ଫିଲ୍ମ ହଲ ରେ ଦେଖିବା ପାଇଁ ଅପେକ୍ଷା କରି ରହିଛନ୍ତି ଦର୍ଶକ । ନିକଟରେ ରିଲିଜ ହୋଇଥିଲା ଏହି ଫିଲ୍ମର ଟ୍ରେଲର ଯାହା ପ୍ରସଂଶକ ଦ୍ୱାରା ଖୁବ ଆଦୃତ। ସେବେଠାରୁ ଫିଲ୍ମର ବିଭିନ୍ନ ଗୀତ ରିଲିଜ ହୋଇଥିଲା। ‘ନ୍ୟାନା’ ଏବଂ ‘ଘାଗରା’ ଭଳି ଗୀତରେ ଦେଖିବାକୁ ମିଳିଥିଲା ତବୁ, କରୀନା କପୁର ଓ କୀର୍ତି ସାନନଙ୍କ ଡ୍ୟାନ୍ସର ଝଲକ ଏବେ ପୁଣି ରିଲିଜ ହୋଇଛି ‘ଚୋଲୀ’ । ଏହି ଗୀତ ରେ ବେବୋ ଗୋଲାପୀ ରଙ୍ଗର ଶାଢ଼ୀ ପିନ୍ଧିଥିବା ଦେଖିବାକୁ ମିଳୁଛି ଯାହା ଏବେ ଟ୍ରେଣ୍ଡ ପାଲଟିଛି । ଖାଲି ଲୁକ ନୁହେଁ ନିଜର କିଲର ଷ୍ଟାଇଲ ପାଇଁ ବି ବେବୋ ବେଶ ପ୍ରଶଂସା ସାଉଣ୍ଟିଛନ୍ତି । ବେବୋଙ୍କ ଏହି ଗୀତ ସଞ୍ଜୟ ଦତ୍ତଙ୍କ ଫିଲ୍ମ ‘ଖଳନାୟକ’ର remake song ଯେଉଁଥିରେ ମାଧୁରୀଙ୍କ ଦେଶୀ ଲୁକ ଦର୍ଶକଙ୍କୁ ବେଶ ପସନ୍ଦ ଆସିଥିଲା । ଦୀର୍ଘ ୩୧ ବର୍ଷ ପରେ ସେହି ଗୀତ ର new version ପୂର୍ବ ଭଳି ଚର୍ଚ୍ଚିତ ହୋଇପାରିଛି ।
ଫିଲ୍ମ “ଦି କ୍ରୁ” ରେ ତିନି ଅଭିନେତ୍ରୀ ଏୟାର ହୋଷ୍ଟେସ ଭୂମିକାରେ ନଜର ଆସିବେ । ଫିଲ୍ମର ଷ୍ଟାର କାଷ୍ଟକୁ ଦେଖି କୁହାଯାଇପାରେ ଯେ ଖୁବ ଉନ୍ନତଧରଣର ଫିଲ୍ମ ଟି ଆସିବାକୁ ଯାଉଛି । ତେବେ ରାଜେଶ ଏ କୃଷ୍ଣନଙ୍କ ଏହି ଫିଲ୍ମ ୨୯ ମାର୍ଚ୍ଚରେ ମୁକ୍ତିଲାଭ କରିବାକୁ ଯାଉଛି । ତେବେ ଏହା କେତେ ମାତ୍ରାରେ ଦର୍ଶକଙ୍କ ମନ ଜିଣିପାରୁଛି ତାହା ଦେଖିବା ବାକି ରହିଲା ।
