SUNSTARTV
ଭୁବନେଶ୍ୱର: ଆଉ ମାତ୍ର ଗୋଟିଏ ଦିନର ଅପେକ୍ଷା । ଏହାପରେ ରାଜନୀତିର ରଣାଙ୍ଗଣାକୁ ଓଲ୍ହାଇବେ ରଥି ମହାରଥୀମାନେ । ପରସ୍ପର ମଧ୍ୟରେ ଚାଲିବ ଜୋରଦାର ଲଢେଇ । ଏନେଇ ଆଜି ବାଜିଛି ବିଗୁଲ। ତେବେ ଆସନ୍ତାକାଲି ୨୦୨୪ ସାଧାରଣ ନିର୍ବାଚନ ପାଇଁ ଘୋଷଣା ହେବ ତାରିଖ । ଅପରାହ୍ନ ୩ଟାରେ ତାରିଖ ଘୋଷଣାନେଇ ସୂଚନା ମିଳିଛି । ତେବେ ନିର୍ବାଚନ କମିଶନଙ୍କ ବୈଠକ ପରେ ଏହି ନିଷ୍ପତ୍ତି ନିଆଯାଇଥିବା ଜଣାପଡିଛି । ଏଥିରେ ଉଭୟ ଲୋକସଭା ଓ ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରାଯିବ । ଏନେଇ ଭାରତୀୟ ନିର୍ବାଚନ କମିଶନ ଆୟୋଜନ କରିବାକୁ ଯାଉଛି ଏକ ଗୁରୁତ୍ୱପୂର୍ଣ୍ଣ ବୈଠକ ।
ଏହି ବୈଠକରେ ମୁଖ୍ୟ ନିର୍ବାଚନ କମିଶନରଙ୍କ ସହ ଦୁଇ ନବନିଯୁକ୍ତ ନିର୍ବାଚନ କମିଶନର ସାମିଲ ହେବା ସହ ଲୋକସଭା ନିର୍ବାଚନ ପ୍ରସ୍ତୁତିକୁ ନେଇ ହେବ ଚର୍ଚ୍ଚା । ସେହିପରି ଦୁଇ ନୂତନ ନିର୍ବାଚନ କମିଶନରଙ୍କୁ ନିର୍ବାଚନ ପ୍ରକ୍ରିୟା ଓ ପ୍ରସ୍ତୁତି ବିଷୟରେ ତଥ୍ୟ ପ୍ରଦାନ କରାଯିବ । ଏହାବ୍ୟତୀତ ଆସନ୍ତାକାଲିଠାରୁ ଲାଗୁ କରାଯିବ ଆଦର୍ଶ ଆଚରଣ ବିଧି । ଏନେଇ ଆଜି ନିର୍ବାଚନ କମିଶନ୍ ଘୋଷଣା କରିଛନ୍ତି ।
