Sunstar TV
ଭୁବନେଶ୍ୱର : ବିଜେଡିରୁ ଇସ୍ତଫା ଦେଲେ ଅଭିନେତା ଅରିନ୍ଦମ ରାୟ। କେବଳ ସାଧାରଣ ସଂପାଦକ ନୁହେଁ ଏହା ସହ ଦଳର ପ୍ରାଥମିକ ସଦସ୍ୟତାରୁ ମଧ୍ୟ ଅଭିନେତା ଅରିନ୍ଦମ ରାୟ ଇସ୍ତଫା ଦେଇଛନ୍ତି । ଇସ୍ତଫା ନେଇ ବିଜେଡି ସୁପ୍ରିମୋଙ୍କୁ ଲେଖିଲେ ଚିଠି । ଫେସବୁକ ପେଜରେ ଚିଠି ସେୟାର କରିଛନ୍ତି । ଅରିନ୍ଦମ ଶାସକ ଦଳରେ ଦୀର୍ଘ ଦିନ ଧରି କାର୍ଯ୍ୟ କରୁଥିଲେ । ପୂର୍ବରୁ ଅରିନ୍ଦମଙ୍କ ରାଜନୈତିକ ଗତି ନେଇ ବରାବର ଚର୍ଚ୍ଚା ଲାଗି ରହିଥିଲା । ବିଜେପି ନେତା ପ୍ରକାଶ ବେହେରା ଓ କେନ୍ଦ୍ରମନ୍ତ୍ରୀ ଅଶ୍ୱିନୀ ବିଷ୍ଣବଙ୍କ ସହ ସାକ୍ଷାତ କରିବା ପରେ ଅରିନ୍ଦମଙ୍କ ଗତି ଉପରେ ପ୍ରଶ୍ନ ଉଠିଥିଲା । କିନ୍ତୁ କୌଣସି ଉତ୍ତର ରଖିନଥିଲେ ଅରିନ୍ଦମ । ହେଲେ ଆଜିର ଏହି ନିଷ୍ପତି ଚର୍ଚ୍ଚାକୁ ଯୋଗାଇଛି ଆଉ ଏକ ଖୋରାକ । ଅରିନ୍ଦମ ୨୦୦୯ରେ ଶାସକ ଦଳରେ ଯୋଗଦାନ କରିଥିଲେ । ୨୦୧୪ ମସିହାରୁ ତାରକା ପ୍ରଚାରକ ଭାବେ ବିଜୁ ଜନତା ଦଳ ପାଇଁ କାର୍ଯ୍ୟ କରୁଥିବା ବେଳେ ବର୍ତ୍ତମାନ ସମୟରେ ଦଳରେ କୌଣସି ଗୁରୁତ୍ୱ ମିଳୁନଥିବା ଅଭିଯୋଗ କରି ଇସ୍ତଫା ଦେଇଛନ୍ତି । ରାଜନୀତିର ଏହି ଘଡି ସନ୍ଧି ମୁହୂର୍ତ୍ତରେ ସେ କେଉଁ ଦଳକୁ ଯିବେ ତାହା ଏବେ ଆଲୋଚନାର ପ୍ରସଙ୍ଗ ପାଲଟିଛି ।
