ଭୁବନେଶ୍ୱର(SUNSTARTV):ପାଖେଇ ଆସୁଛି ସାଧାରଣ ନିର୍ବାଚନ । ଏହାକୁ ନେଇ ପ୍ରତ୍ୟେକ ଦଳରେ ଚାଲିଛି ରାଜନୈତିକ ମାରାଥନ । କିଏ ଦଳକୁ ମଜବୁତ କରିବାକୁ ବୈଠକ କରୁଛି ତ ଅ୍ଧମ କିଏ କରୁଛି ମିଶ୍ରଣ ପର୍ବ । ପୁଣି କେଉଁ ଦଳରେ ଦେଖା ଦେଉଛି ଗୋଷ୍ଠି କନ୍ଦଳ । ତେବେ ଏହାରି ମଧ୍ୟରେ ଓଡିଶା କଂଗ୍ରେସକୁ ଲାଗିଛି ବଡ ଝଟକା । ନିର୍ବାଚନ ପୂର୍ବରୁ ଗୋଟିଏ ପରେ ଗୋଟିଏ ପ୍ରତିକୂଳ ପରିସ୍ଥିତିକୁ ସାମ୍ନା କରୁଛି କଂଗ୍ରେସ । ଯାହାକି ରାଜ୍ୟ ରାଜନୀତିରେ ସୃଷ୍ଟି କରିଛି ହଟଚମଟ ।
ତେବେ ମିଳିଥିବା ସୂଚନା ଅନୁଯାୟୀ ନିର୍ବାଚନ ପୂର୍ବରୁ କଂଗ୍ରେସର ହାତ ଛାଡିଛନ୍ତି କଂଗ୍ରେସର ପିସିସି ଉପସଭାପତି ରଜତ ଚୌଧୁରୀ । ସେ ପ୍ରାଥମିକ ସଦସ୍ୟ ପଦରୁ ଇସ୍ତପା ଦେଇଛନ୍ତି । ତେବେ ଇସ୍ତପା ଦେବାର ସଠିକ୍ କରାଣ ଏଯାଏଁ ସ୍ପଷ୍ଟ ହୋଇ ନଥିବା ବେଳେ ଦଳୀୟ କାର୍ଯ୍ୟରେ ଅସନ୍ତୁଷ୍ଟ ହୋଇ ପିସିସି ଉପସଭାପତି ରଜତ ଚୌଧୁରୀ ଦଳ ଛାଡିଥିବା ଚର୍ଚ୍ଚା ହେଉଛି ।
