SUNSTARTV
Gajlakshmi Rajyog 2024: ହିନ୍ଦୁ ଧର୍ମରେ ଅନେକ ଶାସ୍ତ୍ର ପୁରାଣ ରହିଛି । କିନ୍ତୁ ଏହି ସବୁ ଶାସ୍ତ୍ର ପୁରାଣ ଠାରୁ ଜ୍ୟୋତିଷ ଶାସ୍ତ୍ର ସମ୍ପୂର୍ଣ୍ଣ ଭିନ୍ନ । ଏହି ଶାସ୍ତ୍ର ଅନୁସାରେ ଜ୍ୟୋତିଷ ବିଶାରଦମାନେ ଗ୍ରହ ନକ୍ଷତ୍ର ଗଣନା ଠାରୁ ଆରମ୍ଭ କରି, ଜଣେ ବ୍ୟକ୍ତିର ଜୀବନରେ ଏହା କି ପ୍ରଭାବ ପକାଇଥାଏ ତାହା କହିପାରନ୍ତି । ଏଥି ସହିତ କେଉଁ ଗ୍ରହ କେଉଁ ସମୟରେ ତାର ଗତି ଏବଂ ରାଶି ପରିବର୍ତ୍ତନ କରିଥାଏ ତାହା ମଧ୍ୟ ଏହି ଜ୍ୟୋତିଷ ଶାସ୍ତ୍ର ମାଧ୍ୟମରେ ହିଁ ଜଣାପଡିଥାଏ । ତେବେ ପୂର୍ବରୁ ଅନେକ ଗ୍ରହ ସେମାନଙ୍କ ରାଶି ପରିବର୍ତ୍ତନ କରିଥିବା ବେଳେ ବର୍ତ୍ତମାନ ଗ୍ରହ ରାଜ ଗୁରୁ ତାଙ୍କ ରାଶି ପରିବର୍ତ୍ତନ କରି ଆସନ୍ତା ମେ ୧ରେ ବୃଷ ରାଶିରେ ପ୍ରବେଶ କରିବାକୁ ଯାଉଛନ୍ତି । ସେହିପରି ଧନ ଏବଂ ବୈଭବର ପ୍ରତିକ ଶୁକ୍ର ଗ୍ରହ ତାଙ୍କ ରାଶି ପରିବର୍ତ୍ତନ କରି ଆସନ୍ତା ମେ ୧୯ରେ ବୃଷ ରାଶିରେ ପ୍ରବେଶ କରିବେ । ଫଳରେ ୧୨ ବର୍ଷ ପରେ ଗଜଲକ୍ଷ୍ମୀ ଯୋଗ ସୃଷ୍ଟି ହେବାକୁ ଯାଉଛି ।
ଜ୍ୟୋତିଷ ଶାସ୍ତ୍ର ଅନୁସାରେ କୌଣସି ଗ୍ରହ ଅନ୍ୟ ରାଶିରେ ପ୍ରବେଶ ଏବଂ ମିଳନକୁ ମିଳନ ଯୋଗ କୁହାଯାଇଥାଏ । ତେବେ ପୂର୍ବରୁ ଅନେକ ଗ୍ରହଙ୍କ ମିଳନ ଯୋଗ ହୋଇଥିବା ବେଳେ ମେ ୧୯ରେ ଗୁରୁ ଏବଂ ଶୁକ୍ର ଗୋଟିଏ ରାଶିରେ ପ୍ରବେଶ କରିବା ଦ୍ୱାରା ସେମାନଙ୍କ ମଧ୍ୟରେ ମିଳନ ଯୋଗ ସୃଷ୍ଟି ହେବ । ଯାହାକୁ ଶାସ୍ତ୍ର ମତରେ ଗଜଲକ୍ଷ୍ମୀ ଯୋଗ କୁହାଯାଏ । ଏହା ବ୍ୟତୀତ ଗୁରୁ ଏବଂ ଶୁକ୍ର ପରସ୍ପରର କେନ୍ଦ୍ର ଭାଗରେ ଆମ୍ନାସାମ୍ନା ହେବା କିମ୍ବା ପ୍ରଥମ ଏବଂ ଚତୁର୍ଥ ଭାଗରେ ରହିବା ଦ୍ୱାରା ମଧ୍ୟ ଏହି ଗଜଲକ୍ଷ୍ମୀ ଯୋଗ ସୃଷ୍ଟି ହୋଇଥାଏ । ଏହି ଯୋଗ ସମସ୍ତ ୧୨ ରାଶି ଉପରେ କିଛି ନା କିଛି ପ୍ରଭାବ ପକାଇଥାଏ । ଫଳରେ କିଛି ରାଶିର ବ୍ୟକ୍ତି ଏହାର ପ୍ରଭାବରେ ଅନେକ ସମସ୍ୟାର ସମ୍ମୁଖାନ ହୋଇଥିବା ବେଳେ କିଛି ରାଶିର ବ୍ୟକ୍ତିଙ୍କ ପାଇଁ ଏହା ଅତ୍ୟନ୍ତ ଲାଭ ଦାୟକ ହୋଇଥାଏ । ତେବେ ଏହି ଗଜଲକ୍ଷ୍ମୀ ଯୋଗ ସମସ୍ତ ୧୨ ରାଶି ମଧ୍ୟରୁ ଖାସ୍ କରି ୩ ରାଶି ଉପରେ ଅଧିକ ପ୍ରଭାବ ପକାଇବ । ଫଳରେ ସେହି ରାଶିର ବ୍ୟକ୍ତିମାନେ ତାଙ୍କ ଜୀବନରେ ଅନେକ ସଫଳତା ପାଇବା ସହ ଧନ ପ୍ରାପ୍ତିର ମଧ୍ୟ ଯୋଗ ରହିଥାଏ । ତେବେ ଆସନ୍ତୁ ଜାଣିବା ସେହ ୩ ରାଶି ବିଷୟରେ ।
ମେଷ: ଜ୍ୟୋତିଷ ଶାସ୍ତ୍ର ଅନୁସାରେ ଗଜଲକ୍ଷ୍ମୀ ରାଜେଯାଗ ମେଷ ରାଶିର ବ୍ୟକ୍ତିମାନଙ୍କ ପାଇଁ ଅତ୍ୟନ୍ତ ଲାଭ ଦାୟକ ରହିବ । ଫଳରେ ଏହି ରାଶିର ବ୍ୟକ୍ତିମାନେ ବିଭିନ୍ନ କ୍ଷେତ୍ରରେ ମହତ୍ୱପୂର୍ଣ୍ଣ ନିର୍ଣ୍ଣୟ ନେବ ସହ ଆଧ୍ୟାତ୍ମିକ କ୍ଷେତ୍ରରେ ମନ ବଳିବ । ଏହା ବ୍ୟତୀତ ପାରିବାରିକ ଜୀବନ ସୁଖମୟ ହେବ ସହ ଜ୍ଞାନ ଏବଂ ସମୃଦ୍ଧି ବଢିବ ।
କର୍କଟ: ଶାସ୍ତ୍ର ମତରେ କର୍କଟ ରାଶି ପାଇଁ ଗଜଲକ୍ଷ୍ମୀ ଯୋଗ ଅନୁକୂଳ ରହିବ । ଫଳରେ ଏହି ରାଶିର ବ୍ୟକ୍ତିମାନଙ୍କର ଆୟ ବୃଦ୍ଧି ହେବା ସହ ବ୍ୟାଙ୍କ ବାଲାନ୍ସ ମଧ୍ୟ ବଢିବ । ବ୍ୟବସାୟ କରୁଥିବା ବ୍ୟକ୍ତିମାନେ ନିବେସ କରିବା ଦ୍ୱାରା ଲାଭ ବାନ ହେବେ । ଏହି ସମୟରେ ଆପଣ ନିଜର କାମକୁ ନେଇ ଦୂର ସ୍ଥାନକୁ ଯାତ୍ରା କରିପାରନ୍ତି ।
ସିହଂ: ଜ୍ୟୋତିଷ ଶାସ୍ତ୍ର ମତରେ ଏହି ଗଜଲକ୍ଷ୍ମୀ ଯୋଗ ସିଂହ ରାଶିର ବ୍ୟକ୍ତିଙ୍କୁ ଅନେକ ସଫଳତା ପ୍ରଦାନ କରିବ । ଏହି ସମୟରେ ସିଂହ ରାଶିର ବ୍ୟକ୍ତିମାନେ କୌଣସି ବଡ ଡିଲ୍ କରି ପାରନ୍ତି ଯାହାକି ଭବିଷ୍ୟତରେ ଅତ୍ୟନ୍ତ ଲାଭ ଦାୟକ ହେବ । ଏହା ବ୍ୟତୀତ ସମାଜରେ ମାନ ସମ୍ମାନ ବୃଦ୍ଧି ହେବା ସହ ଧନପ୍ରାପ୍ତିର ମଧ୍ୟ ଯୋଗ ରହିଛି ।
