SUNSTARTV
ଭୁବନେଶ୍ୱର: ରାଜଧାନୀବାସୀଙ୍କ ପାଇଁ ଖୁସି ଖବର। ଭାରାକ୍ରାନ୍ତ ମନକୁ ଟିକିଏ ହାଲକା କରିବା ପାଇଁ ଭୁବେଶ୍ବରରେ ଖୋଲିଲା କ୍ଳବ୍ ସାଇନ୍ ଏକ୍ସ । ଏହି କ୍ଳବର ଉଦଘାଟନୀ ଉତ୍ସବରେ ବଲିଉଡ ଅଭିନେତ୍ରୀ ଜରିନ ଖାନ୍ ଯୋଗ ଦେବା ସହ ସେଠାକାର ମୁଖ୍ୟ ଆକର୍ଷଣ ସାଜିଥିଲେ | ସେ ହୋଟେଲ ଲାଇଫ୍ରେ ଅନୁଷ୍ଠିତ ପ୍ରେସମିଟରେ ଯୋଗ ଦେଇ ସାମ୍ବାଦିକଙ୍କ ବିଭିନ୍ନ ପ୍ରଶ୍ନର ସେ ଉତ୍ତର ରଖିଥିଲେ । ଅନ୍ୟମାନଙ୍କ ମଧ୍ୟରେ କ୍ଳବ୍ ସାଇନ୍ ଏକ୍ସ୍ ର ସତ୍ଵାଧିକାରୀ ସନ୍ତୋଷ ପାତ୍ର ଓ ବଣ୍ଟି, ବ୍ରାଣ୍ଡ ଆମ୍ବାସାଡର ଶୀତଲ ପାତ୍ର ଏବଂ ଅଶ୍ୱିନ ଥିଲେ । ଶହୀଦ ନଗରରେ ଥିବା ଏହି କ୍ଲବ୍ ଦିନ ୧୨ଟାରୁ ରାତି ୧୨ଟା ଯାଏ ଏହା ଖୋଲା ରହିବ। ଏଠି ଡିଜେ ସହିତ ନାଚ ଗୀତ ଓ ମସ୍ତିର ଆନନ୍ଦ ଉଠାଇ ପାରିବେ ଗ୍ରାହକ। କେବଳ ସେତିକି ନୁହେଁ, ସିଫୁଡ୍, କଣ୍ଟିନେଟାଲ ଓ ସାଉଥ୍ ଇଣ୍ଡିଆନ ଖାଦ୍ୟର ମଧ୍ୟ ସ୍ବାଦ ନେଇପାରିବେ। ଜନ୍ମଦିନ ହେଉ କି ବିବାହ ବାର୍ଷିକୀ ଅବା ଅନ୍ୟ କିଛି ଅବସର ଯେ କେହି ଏଠାକୁ ଆସିପାରିବେ ଓ ଏହାର ଆନନ୍ଦ ନେଇ ପାରିବେ। ପାରିବାରିକ ଉତ୍ସବ ପାଇଁ ଏହାଠୁ ସୁରକ୍ଷିତ ସ୍ଥାନ ଆଉ କିଛି ବି ହୋଇ ନପାରେ ବୋଲି କହିଛନ୍ତି କ୍ଳବ୍ ର ସତ୍ୱାଧିକାରୀ ସନ୍ତୋଷ ପାତ୍ର ।
ହୋଟେଲ ଲାଇଫ୍ରେ ଅନୁଷ୍ଠିତ ପ୍ରେସମିଟରେ ସାମ୍ୱାଦିକ ମାନେ ଜରିନ୍ ଙ୍କୁ ପ୍ରଶ୍ନ ପଚାରିବା ସହ ପ୍ରଯୋଜକ ରମେଶ ବାରିକ ତାଙ୍କୁ ଓଡ଼ିଆ ଫିଲ୍ମରେ ଅଭିନୟ କରିବାକୁ ଅଫର ଦେଇଥିଲେ । ଯେଉଁଥିରେ ଜରିନ୍ ରାଜି ମଧ୍ୟ ହୋଇଥିଲେ ।ସେ କହିଥିଲେ ଯଦି ମତେ ଭଲ ସ୍କ୍ରିପ୍ଟ ଓ ଭଲ କଣ୍ଟେଣ୍ଟ ମିଳିବ ତାହାଲେ ମୁଁ ଓଡ଼ିଆ ଚଳଚ୍ଚିତ୍ର କରିବାକୁ ରାଜି ଅଛି । ତେବେ ଏହି କାର୍ଯ୍ୟକ୍ରମର ପରିଚାଳନା ଆର ଆର ଇଭେନ୍ଟସ୍ କରିଥିବା ବେଳେ ଉପସ୍ଥାପିକା ଶୋଭନା ମଞ୍ଚ ପରିଚାଳନା କରିଥିଲେ ।
