Sunstar Tv
ଭୁବନେଶ୍ୱର : କୋରାପୁଟ ଜିଲ୍ଲାରେ ଥିବା ଓଡିଶାର ଉଚ୍ଚତମ ଗିରୀଶୃଙ୍ଗ ଦେଓମାଳିରେ ଜଳରଙ୍ଗ ଯୁବ ଚିତ୍ର ଶିଳ୍ପୀ ଶିବିର ଆୟୋଜିତ ହୋଇଯାଇଛି । ଶିବିର କୁ ଉଦଘାଟନ କରିଛନ୍ତି ଦକ୍ଷିଣାଞ୍ଚଳ ରାଜସ୍ଵ କମିଶନର ରଂଜନ କୁମାର ଦାସ । ଏହି ଶିବିରରେ କୋରାପୁଟ ଜିଲ୍ଲାପାଳ କୀର୍ତ୍ତି ବାସନ, ଓ ପ୍ରଖ୍ୟାତ ବାଲୁକା ଶିଳ୍ପୀ ସୁଦର୍ଶନ ପଟନାୟକ ଉପସ୍ଥିତ ଥିଲେ । କୋରାପୁଟ ଜିଲ୍ଲା ପ୍ରଶାସନର ସହଯୋଗରେ ଓଡିଶା ଲଳିତ କଳା ଏକାଡେମୀ ,ଓଡିଶା ଭାଷା ସାହିତ୍ୟ ଓ ସଂସ୍କୃତି ବିଭାଗ ଦ୍ବାରା ଆୟୋଜିତ ହୋଇଛି ଏହି ଶିବିର ।
ବାଲୁକା ଶୀଳ୍ପି ସୁଦର୍ଶନ ପଟ୍ଟନାୟକ ଉପସ୍ଥିତ ରହି ଏହି ଚିତ୍ରକଳା ଶିବିରକୁ ପରିଚାଳନା କରିଛନ୍ତି । ଏହି ଶିବିରରେ ଓଡିଶାର ବିଭିନ୍ନଜିଲ୍ଲା ରୁ ୧୫ ଜଣ ଜଣ ଯୁବ ଚିତ୍ର ଶିଳ୍ପୀ ଭାଗ ନେଇଛନ୍ତି । ଚିତ୍ରକାରମାନେ ଦେଓମାଳିର ପ୍ରକୃତିକୁ ନେଇ ଚିତ୍ର ଆଙ୍କୁଛନ୍ତି । ଉଦ୍ଦେଶ୍ୟ ହେଲା, ପ୍ରାକୃତିକ ପରିବେଶ ଓ ଦେଓମାଳିର ସୌନ୍ଦର୍ଯ୍ୟକୁ ଉପଭୋଗ କରିବା ସହ ଚିତ୍ର କଳା ମାଧ୍ୟମରେ ଏହାର ପରିପ୍ରକାଶ କରି ବ୍ୟାପକ ପ୍ରଚାର ପ୍ରସାର କରିବା ସହ ପର୍ଯ୍ୟଟକଙ୍କୁ ଦେଓମାଳି ଓ କୋରାପୁଟ ପରିଦର୍ଶନ ରେ ଆସିବା ପାଇଁ ଆକର୍ଷିତ କରିବା । ଏହି ଅବସରରେ ଜିଲ୍ଲା ଲୋକ ସମ୍ପର୍କ ଅଧିକାରୀ ସ୍ୱରାଜ ସୀସା, ଜିଲ୍ଲା ସାଂସ୍କୃତିକ ଅଧିକାରୀ ପ୍ରୀତିସୁଦ୍ଧା ଜେନା, କାର୍ଯ୍ୟକ୍ରମରେ ସହଯୋଗ କରିଥିଲେ। ଏବଂ ବିଭିନ୍ନ ଗଣମାଧ୍ୟମର ପ୍ରତିନିଧିମାନେ ଉପସ୍ଥିତ ରହି ଚିତ୍ର କଳାକାରଙ୍କ ଠାରୁ ଦେଉମାଳୀ ଉପରେ ପ୍ରତିକ୍ରିୟା ଗ୍ରହଣ କରିଛନ୍ତି ।
