ରିଲିଜ ହେବାକୁ ଯାଉଛି ଓଡ଼ିଆ ଚଳଚ୍ଚିତ୍ର ‘ଭୋଟ’ ; ଟ୍ରେଲର ରିଲିଜ ପରେ ଦର୍ଶକଙ୍କ ବଢୁଛି ଉତ୍ସାହ

ଆଉ ୨ ଦିନ ପରେ ରିଲିଜ ହେବ ବହୁ ପ୍ରତିକ୍ଷିତ ଓଡ଼ିଆ ଚଳଚ୍ଚିତ୍ର ଭୋଟ । ଏହା ୨୦୨୪ର ଦ୍ଵିତୀୟ ଚଳଚ୍ଚିତ୍ର । ଯାହାକୁ ନେଇ ଏବେଠୁ ଦର୍ଶକଙ୍କ ମନରେ ଉତ୍ସାହ ଦେଖିବାକୁ ମିଳିଛି । ଏହି ଚଳଚ୍ଚିତ୍ରଟି ଉପନ୍ୟାସ ଭୋଟ ଉପରେ ଆଧାରିତ ହୋଇଥିବା ବେଳେ, ବର୍ତ୍ତମାନ ସମୟର କିଛି ବାସ୍ତବ ଚିତ୍ର ଏହି ମୁଭିରେ ଦେଖିବାକୁ ମିଳିବ । ଖାସ କରି ଆଜିର ସମୟରେ ରାଜନୀତି କେଉଁଭଳି ଭାବରେ ସମ୍ପର୍କକୁ ନଷ୍ଟ କରୁଛି ଏବଂ ପରିବାର ମଧ୍ୟରେ ବିବାଦ ସୃଷ୍ଟି କରୁଛି, ଏହାକୁ ନେଇ ଚଳଚ୍ଚିତ୍ରଟି ନିର୍ମିତ ହୋଇଛି । ଭୋଟ ମୁଭି ଅନେକ ଦର୍ଶକ ଏବଂ ସାଧାରଣ ଜନତାଙ୍କୁ ବହୁତ କିଛି ଶିଖେଇବ । ଯାହାକି ତାର ଟ୍ରେଲର ରିଲିଜରୁ ହିଁ ଜଣା ପଡୁଛି । ଏହି ମୁଭିରେ ଉଷସୀ ମିଶ୍ର, ପିଙ୍କି ପ୍ରିୟଦର୍ଶନୀ, ଚକ୍ରଧର ଜେନା, ମନୋରଞ୍ଜନ ମିଶ୍ର ଆଦି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ସେହିପରି ବେଳେ ସୂର୍ଯ୍ୟ ମହାନ୍ତି, ରାନୁ ପାଢ଼ୀ, ହର ରଥ ଆଦି ଅନ୍ୟ ଚରିତ୍ରରେ ନଜର ଆସିବେ । ତେବେ ଏହି ଭୋଟ ଚଳଚ୍ଚିତ୍ର ମାଧ୍ୟମରେ ଆମ ଦେଶର ସମ୍ବିଧାନ, ଜଣେ ନାଗରିକ ପାଇଁ ଭୋଟ କେତେ ମୂଲ୍ୟବାନ ଭୋଟ ଦ୍ୱାରା କିପରି ଜଣେ ସଧାରାଣ ଜନତାର ଜୀବନ ଚିତ୍ର ବଦଳି ଯାଏ ତାକୁ ଅତି ସୁନ୍ଦର ଭାବରେ ଦର୍ଶାଯାଇଛି ।