sunstartv- ଷ୍ଟାରପ୍ଲସରେ ପ୍ରସାରିତ ଟିଭି ସିରିଏଲ ଅନୁପମାକୁ ବର୍ତ୍ତମାନ ଅନେକ ଦର୍ଶକ ପସନ୍ଦ କରୁଛନ୍ତି । ଅନୁପମା ସମେତ ଅନ୍ୟ କଳାକାରଙ୍କ ଅଭିନୟ ମଧ୍ୟ ଦର୍ଶକଙ୍କ ହୃଦୟ ଜିତିଛି । କିନ୍ତୁ ଏହାରି ମଧ୍ୟରେ ଅନୁପମା ସିରିଏଲରୁ ଏବଂ କଳାକାର ଜଗତକୁ ଏକ ଦୁଖଃଦ ଖବର ସାମ୍ନାକୁ ଆସିଛି । ଯାହାକି ଅନେକ ଦର୍ଶକଙ୍କୁ ଆଶ୍ଚର୍ଯ୍ୟ କରିଦେଇଛି । ଲୋକପ୍ରିୟ ଟିଭି ଆକ୍ଟର ରିତୁରାଜ ସିଂଙ୍କ ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ମାତ୍ର ୫୯ ବର୍ଷ ବୟସ ହୋଇଥିବା ଜଣାପଡିଛି ।
ତେବେ ହୃଦଘାତରେ ତାଙ୍କର ମୃତ୍ୟୁ ହୋଇଥଇବା ଜଣାପଡିଛି । ରିତୁରାଜ ଅନେକ ଟିଭି ସିରିଏଲ କରିବା ସହ ଫିଲ୍ମ ଏବଂ ଅନେକ ୱେବ ସିରିଜରେ ମଧ୍ୟ ଅଭିନୟ କରିଛନ୍ତି । ତାଙ୍କର ନିଖୁଣ ଅଭିନୟ ମାଧ୍ୟରେ ସେ ଅନେକ ଲୋକଙ୍କ ମନରେ ନିଜର ଛାପ ଛାଡିବା ସହ ଏକ ସ୍ୱତନ୍ତ୍ର ପରିଚୟ ମଧ୍ୟ ସୃଷ୍ଟି କରିଥିଲେ । ତାଙ୍କର ମୃତ୍ୟୁ ଖବର ସାମ୍ନାକୁ ଆସିବା ପରେ ତାଙ୍କ ଫ୍ୟାନ୍ସ ଆଶ୍ଚର୍ଯ୍ୟ ହେବା ସହ ରିତୁରାଜଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରୁ ନାହାଁନ୍ତି ।
ସୂଚନା ଥାଉକି, ଅଭିନେତା ରିତୁରାଜଙ୍କର ପୂର୍ବରୁ କିଛି ସ୍ୱାସ୍ଥ୍ୟଗତ ସମସ୍ୟା ଥିଲା । ଯେଉଁଥିପାଇଁ ସେ ଚିକିତ୍ସୀତ ମଧ୍ୟ ହେଉଥିଲେ । ତେବେ ଗତକାଲି ବିଳମ୍ବିତ ରାତିରେ ତାଙ୍କର ମୃତ୍ୟୁ ହୋଇଛି । ସେ ୧୯୯୩ ମସିହାରେ ଟିଭିରେ ପ୍ରସାରିତ ହୋଗି ଆପ୍ନି ବାଟ୍, ଜ୍ୟୋତି, ହିଟଲର ଦିଦି, ଶପଥ, ଆହାଟ୍ ଔର ଅଦାଲତ, ଦିୟା ଅର ବାତି ହମ୍ ଭଳି ଅନେକ ଟିଭି ସିରିଏଲରେ କାମ କରିଛନ୍ତି । ଏହା ବ୍ୟତୀତ ଅନେକ ଶୋ’ରେ ସେ ବିଭିନ୍ନ ଭୂମିକାରେ ଅଭିନୟ କରିଥିଲେ। କିଛି ସମୟ ପୂର୍ବରୁ ସେ ଅଗ୍ନାଶୟ ସମ୍ଵନ୍ଧୀତ ସମସ୍ୟାରେ ପଡିତ ଥିଲେ। ଏହାରି ଭିତରେ ଅଭିନେତାଙ୍କର ହଠାତ୍ ହୃଦ୍ଘାତ ହୋଇଥିଲା । ତାଙ୍କ ଦେହାନ୍ତ ହେବାର ଖବର ଶୁଣି ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।
