ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ମମତା ବାନାର୍ଜୀଙ୍କ ବଡ ଘୋଷଣା, ପଶ୍ଚିମବଙ୍ଗରେ ଏକାକୀ ଲଢିବ ଟିଏମସି । ଆଗକୁ ଆସୁଛି ସାଧାରଣ ନିର୍ବାଚନ
ଏନେଇ ପଶ୍ଚିମବଙ୍ଗରେ ଏକାକୀ ଲଢିବ ମମତା ବାନାର୍ଜୀଙ୍କ ତୃଣମୂଳ କଂଗ୍ରେସ। ଟିଏମସି ମୁଖ୍ୟ ମମତା ବାନାର୍ଜୀ କହିଛନ୍ତି ଯେ, କଂଗ୍ରେସ ସହ ଟିଏମସିର କୌଣସି ସମ୍ବନ୍ଧ ନାହିଁ ।
ବିରୋଧୀ ମହାମେଣ୍ଟ ଇଣ୍ଡିଆକୁ ବଡ ଝଟ୍କା ଦେଲେ ତୃଣମୂଳ କଂଗ୍ରେସ ମୁଖିଆ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ବୁଧବାର ମମତା ଘୋଷଣା କରି କହିଛନ୍ତି, ଆଗାମୀ ଲୋକସଭା ନିର୍ବାଚନକୁ ଟିଏମସି ରାଜ୍ୟରେ ଏକା ଲଢିବାକୁ ଯାଉଛି । ଆସନ ବୁଝାମଣା ନେଇ ସେ ମେଣ୍ଟର ପ୍ରମୁଖ ସଦସ୍ୟ ଓ କଂଗ୍ରେସ ସହ ଆଲୋଚନା କରିଥିଲେ ମଧ୍ୟ ସମସ୍ତ ଆଲୋଚନା ବିଫଳ ହୋଇଥିବା ମମତା ପ୍ରକାଶ କରିଛନ୍ତି । ସେ ଏହା ମଧ୍ୟ କହିଛନ୍ତି ଯେ, ମମତାଙ୍କର ପ୍ରତ୍ୟେକ ପ୍ରସ୍ତାବ ମେଣ୍ଟର ପ୍ରମୁଖ ସଦସ୍ୟ ଓ କଂଗ୍ରେସ ତରଫରୁ ଖଣ୍ଡନ କରାଯାଇଛି । ସେଥିପାଇଁ ଟିଏମସି ନିଷ୍ପତ୍ତି ନେଇଛି ପଶ୍ଚିମବଙ୍ଗରେ ଏକାକୀ ଲଢିବ।
