ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ସାରା ଶ୍ରୀକ୍ଷେତ୍ର ଆଜି ଜଗନ୍ନାଥମୟ। ବହୁ ପ୍ରତିକ୍ଷିତ ପରିକ୍ରମା ପ୍ରକଳ୍ପ ଆଜି ଲୋକାର୍ପଣ ହେଉଛି। ଭକ୍ତଙ୍କ ଗହଳି ସହ ଭଜନ ଜଣାଣ ସଂକୀର୍ତ୍ତନରେ ଉଠୁଛି ପଡୁଛି ବଡ ଦାଣ୍ଡ। ଅଦିନରେ ରଥଯାତ୍ରାର ଝଲକ ମୋହୁଛି ଶ୍ରଦ୍ଧାଳୁଙ୍କ ମନ। ସକାଳ ସମୟରେ ଅଳ୍ପ ବର୍ଷା ହୋଇଥିଲା ଯାହା ଦିବ୍ୟ ଅନୁଭୂତି ସୃଷ୍ଟି କରିଥିଲା। ମହାପ୍ରଭୁ ଜଗନ୍ନାଥଙ୍କ କୃପା ବରଷିବା ଭଳି ଦୃଶ୍ୟ ହେଲା। ମୁଖ୍ୟମନ୍ତ୍ରୀଙ୍କ ସ୍ବପ୍ନର ପ୍ରକଳ୍ପ ସତ ହେବା ସହ ସଜେଇ ହୋଇଗଲା ଶ୍ରୀକ୍ଷେତ୍ର। ଭକ୍ତଙ୍କ ଗହଣରେ ଆଜି ଆନନ୍ଦିତ ମହାପ୍ରଭୁ।
