ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଯାଜପୁର ଜିଲ୍ଲା ଦଶରଥପୁର ବ୍ଲକରେ ବଣୁଆ ହାତୀ ଆତଙ୍କ ଦେଖିବାକୁ ମିଳିଛି। ଦଶରଥପୁର ବ୍ଲକ୍ ବିରଜାପୁର ପଂଚାୟତରେ ଧାନ କ୍ଷେତ ଓ ଗାଁ ରେ ପଶି ଏକ ବଣୁଆ ହାତୀ ଆତଙ୍କ ଖେଳାଉଛି। ସେଥିପାଁଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖିବାକୁ ମିଳିଛି। ଆଗରୁ କେବେ ଏହି ଅଞ୍ଚଳରେ ବଣୁଆ ହାତୀ ଦେଖିନଥିବା ବେଳେ କେଉଁ ଆଡୁ ଏହି ହାତୀଟି ପଳେଇଆସିଛି ବୋଲି ଗ୍ରାମବାସୀ କହିଛନ୍ତି ତେବେ ହାତୀଟିକୁ ଘଉଡ଼ାଇବାକୁ ଯାଇ ଜଣେ ଗ୍ରାମବାସୀ ଆହତ ହେବାର ସୂଚନା ରହିଛି। ଖବର ପାଇ ବନ ବିଭାଗ କର୍ମଚାରୀଙ୍କ ଦ୍ୱାରା ହାତୀଟିକୁ କାବୁ କରିବାକୁ ଉଦ୍ୟମ ଜାରୀ ରହିଛି। ଖବର ଅନୁସାରେ ଦଶରଥପୁର ବ୍ଲକର ବିରଜାପୁର ବିହାରୀ, ଇଜାପୁର ବିଭିନ୍ନ ପଞ୍ଚାୟତରେ ବଣୁଆ ହାତୀଟିର ଆତଙ୍କ ଦେଖିବାକୁ ମିଳିଛି। ତେବେ ଏହି ଅଞ୍ଚଳଟି କୌଣସି ଜଙ୍ଗଲି ଅଞ୍ଚଳ ହୋଇନଥିବା ବେଳେ ବଣୁଆ ହାତୀଟି କେଉଁଠୁ ଆସିଲା ତାକୁ ନେଇ ସଙ୍କାରେ ପ୍ରଶାସନ ଓ ବନବିଭାଗ।
