ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ୭୦ ତମ ସର୍ବଭାରତୀୟ ସମବାୟ ଦିବସ ସାରା ଦେଶରେ ପାଳନ କରାଯାଉଛି। ୭୦ତମ ନିଖିଳ ଭାରତ ସମବାୟ ସପ୍ତାହ ପାଳନ ଅବସରରେ ଉତ୍କଳ ମଣ୍ଡପରେ ଆୟୋଜିତ ହୋଇଛି ରାଜ୍ୟ ମହୋତ୍ସବ। ଏହି ଅବସରରେ ସମବାୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ,ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା,କୃଷି ଓ କୃଷକ ସଶକ୍ତୀକରଣ ବିଭାଗର ପ୍ରମୁଖ ଶାସନ ସଚିବ ଅରବିନ୍ଦ କୁମାର ପାଢ଼ୀ, ସମବାୟ ବିଭାଗ ସଚିବ ଅରବିନ୍ଦ ଅଗ୍ରୱାଲ, ଓଡ଼ିଶା ରାଜ୍ୟ ସମବାୟ ବ୍ୟାଙ୍କର ସଭାପତି ଟି. ପ୍ରସାଦରାଓ ଦୋରା, ରାଜ୍ୟ ସମବାୟ ୟୁନିୟନ୍ର ସଭାପତି ପ୍ରବାସିନୀ ଷଡଙ୍ଗୀ ରାଜ୍ୟର ବିକାଶ ରେ ସମବାୟ ୟୁନୀୟନ୍ ର ଭୂମିକା ଉପରେ ବକ୍ତବ୍ୟ ରଖିଥିଲେ। ଏହି ଅବସରରେ ଓଡ଼ିଶା ରାଜ୍ୟ ସମବାୟ ବ୍ୟାଙ୍କ, ଓମ୍ଫେଡ୍ ସମେତ କେନ୍ଦ୍ରୀୟ ସମବାୟ ବ୍ୟାଙ୍କ, ଅର୍ବାନ୍ ସମବାୟ ବ୍ୟାଙ୍କ ଆଦି କୁ ପୁରସ୍କୃତ କରାଯାଇଥିଲା।ଅର୍ବାନ୍ କୋଅପରେଟିଭ୍ ବ୍ୟାଙ୍କ ବର୍ଗରେ ବିଭିନ୍ନ ସମବାୟ ବ୍ୟାଙ୍କ୍ ସହ ରାଉରକେଲା ଅର୍ବାନ୍ କୋଅପରେଟିଭ୍ ବ୍ୟାଙ୍କକୁ ପୁରସ୍କୃତ କରାଯାଇଥିଲା। ରାଉରକେଲା କୋଅପରେଟିଭ୍ ବ୍ୟାଙ୍କ୍ ପକ୍ଷରୁ ଶ୍ରୀ ରବୀନ୍ଦ୍ର ପ୍ରଧାନ ପୁରସ୍କାର ଗ୍ରହଣ କରିଥିଲେ।
