ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଓଡ଼ିଶାକୁ ଧୀରେ ଧୀରେ ପ୍ରବେଶ କରୁଛି ଶୀତ। କୁହନ୍ତି କୁମାର ପୁର୍ଣିମା ଡାଲାରେ ଶୀତ ଆସେ। ଚଳିତ ବର୍ଷ କାର୍ତ୍ତିକ ମାସ ଆରମ୍ଭରୁ ଥରିଲେଣି ଲୋକେ। ସଂନ୍ଧ୍ୟାରୁ ଭୋର ପର୍ଯ୍ୟନ୍ତ କମୁଛି ତାପମାତ୍ରା। ସ୍ବାଭାବିକ ଠାରୁ ୨ରୁ ୪ ଡିଗ୍ରୀ ତଳେ ରହିଛି ପାରଦ। କନ୍ଧମାଳ ଜି.ଉଦୟଗିରିରେ ରେକର୍ଡ ହୋଇଛି ଚଳିତ ମାସର ସର୍ବନିମ୍ନ ତାପମାତ୍ରା। ଏକାଧିକ ସହରର ତାପମାତ୍ରା ୧୫ ଡିଗ୍ରୀ ତଳେ ରେକର୍ଡ ରହୁଛି। ବଙ୍ଗୋପସାଗରରୁ ଓଡ଼ିଶାକୁ ପ୍ରବାହିତ ହେଉଛି ପୂର୍ବାଳୀ ତରଙ୍ଗାୟିତ ପବନ। ଏହା ପ୍ରଭାବରେ ଆଜିଠୁ ଦକ୍ଷିଣ ଓଡ଼ିଶାରେ ବଦଳିବ ପାଗ। ଅଧିକାଂଶ ସ୍ଥାନରେ ପାଗ କୋହଲା ରହିବା ସହ କିଛି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଆସନ୍ତା ୩ ତାରିଖ ପର୍ଯ୍ୟନ୍ତ ଗଞ୍ଜାମ, ଗଜପତି, ରାୟଗଡା, ମାଲକାନଗିରି, କୋରାପୁଟ, ନବରଙ୍ଗପୁର, କଳାହାଣ୍ଡି ଏବଂ କନ୍ଧମାଳରେ ବର୍ଷା ହୋଇପାରେ।
