ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ରାସନ ଦୁର୍ନୀତି ମାମଲାରେ ଗିରଫ ହେଲେ ପଶ୍ଚିମବଙ୍ଗର ପୂର୍ବତନ ଖାଦ୍ୟ ଯୋଗାଣ ଏବଂ ବର୍ତ୍ତମାନର ଜଙ୍ଗଲ ବିଭାଗ ମନ୍ତ୍ରୀ ଜ୍ୟୋତିପ୍ରିୟ ମଲ୍ଲିକ। ଦୁର୍ନୀତି ମାମଲାରେ ଜ୍ୟୋତିପ୍ରିୟଙ୍କୁ ଗିରଫ କରିଛି ଇଡି। ୨୩ ଘଣ୍ଟା ଧରି ମାରାଥନ ଜେରା ପରେ ତାଙ୍କୁ ଗିରଫ କରାଯାଇଛି। କିଛିଦିନ ପୁର୍ବରୁ ସମାନ ମାମଲାରେ ଏକ ରାଇସ ମିଲ ମାଲିକ ବାକିବୁର ରହେମାନ୍ ନାମକଙ୍କୁ ଇଡି ଗିରଫ କରିଥିଲା।
ବାକିବୁର ବିଭିନ୍ନ ଅଞ୍ଚଳରେ କିଣିଥିବା ଜମି ଓ ଫ୍ଲାଟର ମୂଲ୍ୟ ପ୍ୟାୟ ୧୦୦କୋଟି ଟଙ୍କା ହେବ ବୋଲି ଇଡି ଜାଣିବାକୁ ପାଇଥିଲା। ଜ୍ୟୋତିପ୍ରିୟଙ୍କ ସହ ବାକିବୁରର ସମ୍ପର୍କ ଥିବା ଜଣାପଡ଼ିବା ପରେ ତଦନ୍ତ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ। ଜ୍ୟୋତିପ୍ରିୟଙ୍କ ଘର ସହିତ ବିଭିନ୍ନ ସ୍ଥାନରେ ରେଡ୍ କରି ମାରାଥନ ପଚରାଉଚରା କରାଯାଇଥିଲା। ପରେ ଗତକାଲି ରାତି ୩ଟାରେ ତାଙ୍କୁ ଗିରଫ କରାଯାଇଥିବା ସୂଚନା ମିଳିଛି।
