ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ବୁଲା କୁକୁରଙ୍କ ଆକ୍ରମଣରେ ଚାଲିଗଲା ଜୀବନ। କୁକୁର ଆକ୍ରମଣରେ ଗୁରୁତର ହୋଇ ଚିକିତ୍ସିତ ହେଉଥିବା ୱାଗ ବକରୀ ଚା’ କମ୍ପାନୀର ଏକ୍ସିକ୍ୟୁଟିଭ୍ ଡାଇରେକଟର ପରାଗ ଦେଶାଇଙ୍କ ମୃତ୍ୟୁ ହୋଇଛି। ଗତ ୧୫ ତାରିଖ ଦିନ ପରାଗଙ୍କୁ ବୁଲା କୁକୁରମାନେ ଆକ୍ରମଣ କରିଥିଲେ। କୁକୁର ମାନଙ୍କ ଆକ୍ରମଣରେ ପରାଗ ଦେଶାଇ ଗୁରୁତର ହୋଇଥିଲେ।
ସୂଚନା ଅନୁସାରେ ଗତ ୧୫ ତାରିଖରେ ନିଜ ଅହମଦାବାଦ୍ ସ୍ଥିତ ବାସଭବନକୁ ଯିବାବେଳେ କିଛି ବୁଲା କୁକୁର ହାବୁଡରେ ପଡ଼ିଥିଲେ ପରାଗ ଦେଶାଇ। ବୁଲା କୁକୁରମାନେ ତାଙ୍କୁ ଆକ୍ରମଣ କରିବା ସହ ଲହୁଲୁହାଣ କରିଥିଲେ। ଫଳରେ ସେ ଗୁରୁତର ହୋଇଥିଲେ। ପରେ ତାଙ୍କୁ ସଲବାଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏକ ସପ୍ତାହ ଧରି ଚିକିତ୍ସା ଚାଲିଥିବାବେଳେ ଗତକାଲି ବିଳମ୍ବିତ ରାତିରେ ବ୍ରେନ ହାମରେଜ୍ ହେବାରୁ ତାଙ୍କର ପରଲୋକ ହୋଇଛି। ପରାଗ ଦେଶାଇ ଦେଶର ଚା ପତି ଉଦ୍ୟୋଗର ଜଣେ ପ୍ରତିଷ୍ଠିତ ବ୍ୟବସାୟୀ ରାସେସ ଦେଶାଇଙ୍କ ପୁଅ।
