ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଶାହାରୁଖ୍ ଖାନ୍ଙ୍କ ‘ଯବାନ’ର ବକ୍ସ ଅଫିସ୍ କଲେକ୍ସନ ୨୯ ଦିନରେ ପହଞ୍ଚିଛି। ‘ପଠାନ୍’ ପରେ ‘ଯବାନ’ର କ୍ରେଜ୍ ପାଇଁ ଏବେ ଚାରିଆଡ଼େ ଚର୍ଚ୍ଚାରେ ଅଛନ୍ତି କିଙ୍ଗ୍ଖାନ୍। ସୁପର୍ଷ୍ଟାର୍ଙ୍କ ‘ଯବାନ’ ଚଳଚ୍ଚିତ୍ରଟି ଆଗରୁ ୧୦୦ କୋଟି ଟଙ୍କାର ବେପାର କରିଛି ବୋଲି ଶୁଣାଯାଉଥିବା ବେଳେ ଏବେ ୧୧୦୦ କୋଟି ଟଙ୍କାରର ବେପାରକୁ ଛୁଇଁଛି। ଯାହା ପରେ ଫିଲ୍ମଟି ବକ୍ସ ଅଫିସରେ ହଇଚଇ ସୃଷ୍ଟି କରୁଥିବା ଦେଖିବାକୁ ମିଳିଛି।
ତେବେ ଲାଭ ଦୃଷ୍ଟିରୁ ସନି ଦେଓଲଙ୍କ ‘ଗଦର-୨’ କିନ୍ତୁ ଆଗରେ ରହିଛି। ମାତ୍ର ‘ଯବାନ’ର ନନ୍-ଷ୍ଟପ୍ ରୋଜଗାର ପ୍ରଶଂସକଙ୍କୁ ଚକିତ କରିଛି। ତଥ୍ୟ ଅନୁଯାୟୀ, ୨୯ ତମ ଦିନରେ ‘ଯବାନ’ ୧.୮୫ କୋଟି ଟଙ୍କା ଆୟ କରିଛି। ଏହା ପରେ ଭାରତରେ ବକ୍ସ ଅଫିସ୍ କଲେକ୍ସନ ୬୧୭.୫୨ କୋଟିରେ ପହଞ୍ଚିଛି। ବିଶ୍ବ ସ୍ତରରେ ଦେଖିବାକୁ ଗଲେ ‘ଯବାନ’ ୧୧୦୦ କୋଟି ଟଙ୍କାର ଆୟ କରି ସାରିଲାଣି।
