ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଭେଟିବାକୁ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ନିଜେ ମୁଖ୍ୟମନ୍ତ୍ରୀଙ୍କ ବାସଭବନରେ ପହଞ୍ଚିଛନ୍ତି। ଆରଜେଡି ସୁପ୍ରିମୋ ନୀତୀଶ କୁମାରଙ୍କୁ ଭେଟି ପ୍ରାୟ ୩୦ମିନିଟ ଆଲୋଚନା କରିଛନ୍ତି। ନୀତୀଶ କୁମାର ବାରମ୍ବାର ରାବ୍ରି ବାସଭବନରେ ପହଞ୍ଚି ଲାଲୁଙ୍କୁ ସାକ୍ଷାତ କରୁଥିବାବେଳେ ଆଜି ଲାଲୁ ନିଜେ ସାକ୍ଷାତ କରିବାକୁ ଆସିଛନ୍ତି। ଏହି ଦୁଇ ନେତାଙ୍କ ସାକ୍ଷାତକୁ ନେଇ ଅନେକ କଳ୍ପନା ଜଳ୍ପନା ମଧ୍ୟ ଚାଲିଛି।
ଗତ ସୋମବାର ମଧ୍ୟ ରାବ୍ରି ବାସଭବନରେ ଲାଲୁ ପ୍ରସାଦ ଓ ନୀତୀଶ କୁମାରଙ୍କ ସାକ୍ଷାତ ହୋଇଥିଲା। ନୀତୀଶ କୁମାରଙ୍କ ସହ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ମଧ୍ୟ ଉପସ୍ଥିତ ଥିଲେ। ଚର୍ଚ୍ଚା ହେଉଛି ଯେ, ଏହି ସମୟରେ ନୀତୀଶ କୁମାର ଲାଲୁ ଯାଦବଙ୍କ ସହ ବିରୋଧୀ ଏକତା, ୨୦୨୪ ଲେକସଭା ନିର୍ବାଚନ ଏବଂ ଇଣ୍ଡିଆ ମେଣ୍ଟର ପ୍ରସାର ସମ୍ପର୍କରେ କଥା ହୋଇଥିଲେ । ଲାଲୁଙ୍କ ସ୍ୱାସ୍ଥ୍ୟବିଷୟରେ ମଧ୍ୟ ନୀତୀଶ ପଚାରି ବୁଝିଥିଲେ।
