ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ନିର୍ବାଚନ ଯେତେ ପାଖଉଛି ନେତାଙ୍କ ଚିନ୍ତା ସେତେ ବଢୁଛି। ଏହାରି ଭିତରେ ନିକଟରେ କଂଗ୍ରେସ ରେ ଯୋଗଦେଇଥିବା ପୂର୍ବତନ ପ୍ରଶାସନିକ ଅଧିକାରୀ ବିଜୟ ପଟ୍ଟନାୟକ ବର୍ତମାନ ଫୁଲ ଆକ୍ଟିଭ ଥିବା ଦେଖିବାକୁ ମିଳୁଛି । କଂଗ୍ରେସର ଗଡ଼ କୁହାଯାଉଥିବା ଦକ୍ଷିଣ ଓଡିଶାକୁ ବିଜୟଙ୍କ ଫୋକସ। ପାରମ୍ପରିକ ଭୋଟକୁ ହାତେଇବାକୁ ଯଥା ସମ୍ଭବ ପ୍ରୟାସ କରୁଛନ୍ତି ବିଜୟ। ଏଥିପାଇଁ ଘର ଘର ବୁଲି ଜନମତକୁ ପ୍ରଭାବିତ କରିବାକୁ କରୁଛନ୍ତି ଖାସ ପ୍ରୟାସ। ଏ ଦୃଶ୍ୟ ଗଜପତି ଜିଲ୍ଲା ପାରଳାଖେମୁଣ୍ଡି ନିର୍ବାଚନ ମଣ୍ଡଳୀର “ଘରେ ଘରେ କଂଗ୍ରେସ ଘରେ ଘରେ ହାତ” କାର୍ଯ୍ୟକ୍ରମରେ ଶତାଧିକ କଂଗ୍ରେସ କର୍ମୀ ଓ ସାଧାରଣ ଜନତାଙ୍କ ସହ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ଶ୍ରୀଯୁକ୍ତ ବିଜୟ ପଟ୍ଟନାୟକ ଯୋଗ ଦେଇଥିଲେ। ସ୍ଥାନୀୟ ଜନତାଙ୍କୁ ଭେଟିବା ସହ କେନ୍ଦ୍ର ଓ ରାଜ୍ୟରେ ଶାସନ କରୁଥିବା ଉଭୟ ବିଜେଡି ଓ ବିଜେପିର ଜନ ବିରୋଧୀ ନୀତି ବିରୁଦ୍ଧରେ ପ୍ରଚାର ପତ୍ର ପ୍ରଦାନ କରି ଜନ ସଚେତନା ସୃଷ୍ଟି କରିଥିଲେ। ତେବେ ଦେଖିବାକୁ ବାକି ରହିଲା ଆଗାମୀ ଦିନରେ ବିଜେଡି ଏବଂ ବିଜେପି କୁ ମତ ଦେବାରେ କେତେ ସଫଳ ହେଉଛନ୍ତି ବିଜୟ ? ଏବଂ ବିଜୟଙ୍କ ଫୋକସରେ ଥିବା ଦକ୍ଷିଣ ଓଡିଶା ର ସାଧାରଣ ଜନତା ବିଜୟଙ୍କୁ ଆପଣାଉଛନ୍ତି ନା ନାହିଁ ତାହା ମଧ୍ୟ ଦେଖିବା ବାକି ରହିଲା।
