ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଆଜି ବିଧାନସଭା ଅଧିବେଶନର ତୃତୀୟ ଦିନ । ପ୍ରଶ୍ନକାଳ ଆରମ୍ଭରୁ ବିରୋଧୀ ହୋହଲ୍ଲା ହଙ୍ଗାମା କରିଥିଲେ । ବାଚସ୍ୱତିଙ୍କ ଆସନ ସମ୍ମୁଖରେ ଯାଇ ନାରାବାଜି କରିଥିଲେ । ଫଳରେ ବାଚସ୍ପତି ଗୃହକୁ ୧୨ଟା ଯାଏଁ ମୁଲତବୀ କରିଥିଲେ । ତଥାପି ଚାଲି ପାରନଥିଲା ଗୃହ । ପୁଣି ଥରେ ଅପରାହ୍ନ ୪ଟା ଯାଏଁ ଗୃହ ମୁଲତବୀ କରିଥିଲେ ବାଚସ୍ପତି । କେନ୍ଦ୍ର ସରକାର ଚାଷୀ ମାରଣ ନୀତି ଓ ଏମଏସପି ପ୍ରସଙ୍ଗକୁ ନେଇ ଗୃହରେ ହଟ୍ଟଗୋଳ କରିଥିଲେ ବିଜେଡି ବିଧାୟକ । ହଙ୍ଗାମା ପରେ ଗୃହକୁ ପ୍ରଥମେ ୫ ମିନିଟ ଓ ପରେ ଅପରାହ୍ନ ୪ଟା ପର୍ଯ୍ୟନ୍ତ ମୁଲତବୀ ଘୋଷଣା କରିଛନ୍ତି ବାଚସ୍ପତି । ଆଜି ବିଜେପି ବିଧାୟକ ମାନେ କଳାବ୍ୟାଜ ପିନ୍ଧି ଗୃହକୁ ପ୍ରବେଶ କରିଥିଲେ । ବିଜେପି ବିଧାୟକ ପଚାରୁଥିବା ବ୍ରଶ୍ନକୁ ନାକଚ କରାଯାଉଥିବା ଅଭିଯୋଗ ଆଣି ଗୃହର ମଧ୍ୟଭାଗରେ ହୋହଲ୍ଲା କରିଥିଲେ ।
