ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଆଗାମୀ ମଧ୍ୟପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ବିଜେପି ଆରମ୍ଭ କରିଛି ନୂଆ ରଣନୀତି । ଉତ୍ତର ପ୍ରଦେଶ ବିଧାନସଭା ନିର୍ବାଚନ ବେଳେ ବିଜେପି ଯେଉଁ ରଣନୀତି ଆପଣାଇଥିଲା ତାହା ମଧ୍ୟପ୍ରଦେଶରେ ଦୋହରାଇଛି । ଯେଉଁ ଯେଉଁ ଆସନରେ ବିଜେପି କଂଗ୍ରେସକୁ ଟକ୍କର ଦେବାରେ ବିଫଳ ହୋଇଥିଲା ସେହୀସବୁ ଆସନରେ ଏବେ ବରିଷ୍ଠ ନେତାଙ୍କୁ ପ୍ରାର୍ଥୀ କରିବ ଦଳ ।
ମଧ୍ୟପ୍ରଦେଶ ନିର୍ବାଚନ ପାଇଁ ବିଜେପି ତରଫରୁ ଦ୍ୱିତୀୟ ପ୍ରାର୍ଥୀ ତାଲିକା ଘୋଷଣା କରାଯାଇଛି । ଏଥିରେ ୩ଜଣ କେନ୍ଦ୍ରମନ୍ତ୍ରୀଙ୍କ ନାମ ରହିଛି । ନରେନ୍ଦ୍ରସିଂ ତୋମର, ଫଗନ ସିଂ କୁଲସ୍ତେ, ଓ ପ୍ରହ୍ଲାଦ ପଟେଲଙ୍କୁ ବିଜେପି ମଧ୍ୟପ୍ରଦେଶ ବିଧାନସଭା ନିର୍ବାଚନରେ ପ୍ରାର୍ଥୀ କରିଛି । କେବଳ ସେତିକି ନୁହେଁ ୭ଜଣ ସାଂସଦଙ୍କୁ ମଧ୍ୟ ଟିକେଟ ଦେଇଛି ବିଜେପି । ବିଜେପି ଆଶା କରିଛି କି ବରିଷ୍ଠ ନେତାଙ୍କୁ ପ୍ରାର୍ଥୀ କରିବା ଦ୍ୱରା ପ୍ରାର୍ଥୀଙ୍କ ପ୍ରଭାବ ନିଜ ନିର୍ବାଚନ ମଣ୍ଡଳୀ ସହ ନିକଟତମ ନିର୍ବାଚନ ମଣ୍ଡଳୀ ଉପରେ ମଧ୍ୟ ପଡିବ ।
