ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ୧୨ ବର୍ଷର ପିଲା ନାଲି ସାର୍ଟ ଦେଖାଇ ରୋକିଲା ଟ୍ରେନ ଦୁର୍ଘଟଣା । ପଶ୍ଚିମବଙ୍ଗରେ ହୋଇଥାନ୍ତା ଏକ ବଡ ଧରଣର ଟ୍ରେନ ଦୁର୍ଘଟଣା ହେଲେ ପିଲାଟି ଉପସ୍ଥିତ ବୁଦ୍ଧି ଲଗାଇ ଟ୍ରେନକୁ ରୋକିଲା । ମାଲଦା ଜିଲ୍ଲାରେ ପ୍ରବଳ ବର୍ଷା ଯୋଗୁଁ ଏକ ସ୍ଥାନରେ ରେଲୱେ ଟ୍ରାକ ତଳୁ ମାଟି ଧୋଇଯାଇଥିଲା । ଏକଥା ସେଠାକାର ୧୨ ବର୍ଷର ପୁଅ ମୁରସଲିମ ଶେଖ ଆଖିରେ ପଡିଥିଲା । ସେ ତା’ର ବୁଦ୍ଧି ଖଟାଇ ନିଜର ନାଲି ସାର୍ଟକୁ ଖୋଲି ଟ୍ରେନକୁ ଦେଖାଇଥିଲା । ଏହା ଦେଖି ଲୋକୋ ପାଇଲଟ ସିଗନାଲ ଧରି ନେଇଥିଲା ଏବଂ ଏମରଜେନ୍ସି ବ୍ରେକ ମାରି ଟ୍ରେନ ରୋକିବାରେ ସଫଳ ହୋଇଥିଲେ । ଫଳରେ ଶହଶହ ଯାର୍ତୀଙ୍କ ଜୀବନ ଅଳ୍ପକେ ବର୍ତ୍ତି ଯାଇଥିଲା । ମୁରସଲିମ ଜଣେ ଶ୍ରମିକଙ୍କ ପୁଅ ଏବଂ ସେ ଟ୍ରାକ ନିକଟର ଏକ ବସ୍ତିରେ ରହୁଥିବା ଜଣାପଡିଛି । ଏହି ଘଟଣାରେ ରେଲୱେ ଅଧିକାରୀ ପିଲାଟିର ବୁଦ୍ଧିକୁ ପ୍ରଶଂସା କରିବା ସହ ଆର୍ଥିକ ପୁରସ୍କାର ମଧ୍ୟ ଦେଇଛନ୍ତି ।
