ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଆଜି ଦିଲ୍ଲୀରେ ଶରଦ ପାୱାରଙ୍କ ଘରେ ହେବ ଇଣ୍ଡିଆ ମେଣ୍ଟର ବୈଠକ । ସମନ୍ୱୟ ସମିତିର ଏହି ବୈଠକ ସଂଧ୍ୟା ୪ଟାରେ ହେବ । ସେଠାରେ ଆସନ ବଣ୍ଟା ହେବା କଥା ସହିତ ନିର୍ବାଚନୀ ରଣନୀତିକୁ ନେଇ ମଧ୍ୟ ଆଲୋଚନା ହୋଇପାରେ । ଏହା ବ୍ୟତୀତ ଭବିଷ୍ୟତ ଏଜେଣ୍ଡା ବି ତିଆରି ହୋଇପାରେ । ପୁର୍ବରୁ ହେବାକୁଥିବା କ୍ୟାମ୍ପେନ କମିଟି ବୈଠକ ଏଥି ପାଇଁ ବନ୍ଦ ରହିଥିଲା ଯେମିତି କି ଆଜି ଶରଦ ପାୱାରଙ୍କ ଘରେ ବୈଠକ ହେବ । ସେଠାରେ ପ୍ରଚାର ରଣନୀତି ତଥା କେଉଁ ନେତା କେଉଁଠାରେ ପ୍ରଚାର କରିବେ , କେତେ ରାଲି କରାଯିବ ଏହି ସମ୍ବଦ୍ଧୀୟ ଆଲୋଚନା ହେବ ବୋଲି ଚର୍ଚ୍ଚା ହେଉଛି । ଏହି କୋଅଡିଶନ କମିଟି ରେ କଂଗ୍ରେସରୁ କେ ସି ବେଣୁଗୋପାଲ, ଏନସିପିର ଶରଦ ପାୱାର, ଡିଏମକେର ଟିଆର ବାଲୁ , ପିଡିପି ପକ୍ଷରୁ ମହବୁବା ମୁଫ୍ତି,ଆରଜେଡିରୁ ତେଜସ୍ୱୀ ୟାଦବ, ଆମ ଆଦମୀ ପାର୍ଟିରୁ ରାଘବ ଚଡ୍ଡା, ଜାବେଦ ଅଲ୍ଲୀ ଖାନ ସମାଜବାଦୀ ପାର୍ଟି, ଜେଏମଏମରୁ ହେମନ୍ତ ସୋରେନ, ସିପିଆଇ ରୁ ଡି ରାଜା, ନେଶନାଲ କନଫ୍ରେସରୁ ଉମର ଅବଦୁଲ୍ଲା, ସଞ୍ଜୟ ରାଉତ ଶିବସେନା ରୁ , ଜେଡିୟୁ ଲଲନ ସିଂ, ଟିଏମସି ପକ୍ଷରୁ ଅଭୀଷେକ ବାନାର୍ଜୀ ସାମିଲ ଅଛନ୍ତି ।
