ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ : ଆଉ ପାଦେ ଆଗେଇଲା ବିରେୀଧୀ ଏକତା । ଆଜି ଇଣ୍ଡିଆ ମେଣ୍ଟରେ ବସିବ ଆଉ ଏକ ଗୁରୁତ୍ୱପୂର୍ଣ୍ଣ ବୈଠକ । ଏହି ବୈଠକ ଡାକିଛନ୍ତି ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ । ଦିଲ୍ଲୀ ବାସଭବନରେ ବସିବ ଏହି ବୈଠକ । ମୁମ୍ବାଇରେ ମେଗାମେଳି ପରେ ଏହି ବୈଠକ ଗୁରୁତ୍ୱ ବହନ କରୁଛି । ଲୋକସଭା ନିର୍ବାଚନ ପାଇଁ ବିରୋଧୀ ମେଳି ବାନ୍ଧୁଥିବା ବେଳେ ପରବର୍ତ୍ତୀ ବୈଠକରେ କେତେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଆଲୋଚନା ହେବାର କାର୍ଯ୍ୟକ୍ରମ ରହିଛି ।
ଆସନ୍ତା ୧୮ରୁ ସଂସଦର ସ୍ୱତନ୍ତ୍ର ଅଧିବେଶନ ବସିବାକୁ ଯାଉଥିବାରୁ ମେଣ୍ଟର ରଣନୀତି ନେଇ ବୈଠକ ବସିଥିବା ସୂଚନା ମିଳିଛି । ଆସନ୍ତା ୧୮ ରୁ ୨୨ ଯାଏ ସାଂସଦ ଅଧିବେଶନ ବସିବ ବୋଲି ସରକାର ଘୋଷଣା କରିଛନ୍ତି । ଇଣ୍ଡିଆ ମେଣ୍ଟର ବୈଠକ ଏହା ପୂର୍ବରୁ ପାଟନା, ବେଙ୍ଗାଲୁର ଓ ମୁମ୍ବାଇରେ ବସିପାରିଛି । ଆସନ୍ତା ୧୮ରୁ ସଂସଦର ସ୍ୱତନ୍ତ୍ର ଅଧିବେଶନ ବସିବାକୁ ଯାଇଥିବା ବେଳେ ଆଜି ବସିବ କଂଗ୍ରେସ ସଂସଦୀୟ ଦଳ ବୈଠକ । ସଂସଦରେ କଂଗ୍ରେସର ରଣନୀତି ନିର୍ଦ୍ଧାରଣ ଲାଗି କଂଗ୍ରେସ ସଂସଦୀୟ ଦଳ ନେତା ସୋନିଆ ଗାନ୍ଧୀ ବୈଠକ ଡାକିଛନ୍ତି ।
