ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଆଗୁଆ ନିର୍ବାଚନୀ ମାହୋଲ ଭିତରେ ବସିବ ବିଜେଡି ର ଗୁରୁତ୍ୱପୂର୍ଣ ବୈଠକ | ଆଜି ସନ୍ଧ୍ୟା ରେ ନବୀନ ନିବାସରେ ଏହି ବୈଠକ ଅନୁଷ୍ଠିତ ହେବ | ଜିଲ୍ଲା ପର୍ଯ୍ୟବେକ୍ଷକଙ୍କ ସହ ବରିଷ୍ଠ ନେତାଙ୍କୁ ଉକ୍ତ ବୈଠକକୁ ଡ଼କାଯାଇଥିବା ଜଣାପଡିଛି | ଉକ୍ତ ବୈଠକରେ ନିର୍ବାଚନ ପ୍ରସ୍ତୁତି ଦଳ ପଦଯାତ୍ରା ଓ ମୁଖ୍ୟମନ୍ତ୍ରୀଙ୍କ ସଭା କୁ ନେଇ ଆଲୋଚନା ହେବାର ସମ୍ଭାବନା ରହିଛି |
ଅନ୍ୟ ପକ୍ଷରେ ଆଗାମୀ ସାଧାରଣ ନିର୍ବାଚନ ପ୍ରସଙ୍ଗ ରେ କାହାକୁ ଟିକେଟ ଦିଆଯିବ ସେ ସମ୍ପର୍କରେ ଆଲୋଚନା କରି ଫାଇନାଲ କରାଯିବ ବୋଲି କୁହାଯାଉଛି | ଆଗକୁ ୨୦୧୪ ନିର୍ବାଚନ ଏଣୁ ରାଜନୈତିକ ଦଳ ସବୁ ଚଳଚଞ୍ଚଳ ହୋଇପଡିଛନ୍ତି | ଆରମ୍ଭ ହେଲାଣି ନିର୍ବାଚନୀ ରଣନୀତି | ଦଳ କେମିତି କରିବ ବାଜିମାତ ସେନେଇ ବ୍ଲୁପ୍ରିଣ୍ଟ ପ୍ରସ୍ତୁତ କରିବାରେ ତତ୍ପର | ଏବେଠୁ ଲୋକ ଙ୍କ ପାଖରେ ପହଞ୍ଚିବାର ଯୋଜନା ଚାଲିଲାଣି | ଶାସକ ଓ ବିରୋଧୀ ସଭିଏଁ ଆପଣାଇଲେଣି ନିଜର ନିର୍ବାଚନୀ ନୀତି |
