ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ : ଚଳିତ ଏସିଆ କପ୍ ରେ ସମଗ୍ର କ୍ରିକେଟ ଜଗତ ଶନିବାର ଖେଳାଯିବାକୁ ଥିବା ପାରମ୍ପରିକ ପ୍ରତିଦ୍ୱନ୍ଦୀ ଭାରତ ଓ ପାକିସ୍ଥାନ ମ୍ୟାଚକୁ ଅପେକ୍ଷା କରିଛି । ହେଲେ ମ୍ୟାଚ ପୂର୍ବରୁ ଭାରତକୁ ଚାପରେ ରଖିବାକୁ ଉଦ୍ୟମ କରିଛି ପାକିସ୍ତାନ । ସାଧାରଣତଃ ଟସ ହେଲେ ଏକ ଟିମ ନିଜର ଚୂଡାନ୍ତ ଏକାଦଶ ଘୋଷଣା କରିଥାଏ । ହେଲେ ମ୍ୟାଚର ଦିନକ ପୂର୍ବରୁ ପାକିସ୍ତାନ ଭାରତ ବିପକ୍ଷରେ ନିଜର ଏକାଦଶ ଘୋଷଣା କରିଛି ।
ଏହା ଦ୍ୱାରା ଭାରତ ବିପକ୍ଷରେ ପାକିସ୍ତାନ ନିଜର ଦୃଢ ଆତ୍ମ ବିଶ୍ୱାସ ଦେଖାଇବାକୁ ଚାହୁଁଛି । ଗତ ୮ଦିନ ମଧ୍ୟରେ ଆଫଗାନିସ୍ତାନକୁ ହରାଇବା ସହ ମୋଟ ୪ଟି ମ୍ୟାଚରେ ପାକିସ୍ତାନ ବାଜିମାତ କରିଛି । ପାକିସ୍ତାନର ବ୍ୟାଟ୍ସମ୍ୟାନ ମାନେ ଭଲ ପ୍ରଦର୍ଶନ କରିଛନ୍ତି । ଏହି କାରଣରୁ ପାକିସ୍ତାନ ଏସିଆ କପ ୨୦୨୩କୁ ବିଜୟ ସହ ଆରମ୍ଭ କରିଥିଲା, ତାହାର ଆତ୍ମବିଶ୍ୱାସ ବଢିଥିଲା । ଏଣୁ ସେ ନିଜର ବିଜୟୀ ଟିମକୁ ବଜାୟ ରଖି ଭାରତକୁ ଚ୍ୟାଲେଞ୍ଜ କରିବାର ଚେଷ୍ଟା କରିଛି । ଅନ୍ୟ ପଟେ ଆସନ୍ତାକାଲି ଭାରତର ଚୂଡାନ୍ତ ଏକାଦଶ କଣ ରହିବ ତାହା ଏପର୍ଯ୍ୟନ୍ତ ସ୍ଥିର ହୋଇନାହିଁ । କେଏଲ ରାହୁଲଙ୍କ ସ୍ଥାନରେ କିଏ ଓପନ କରିବ ତାହାକୁ ନେଇ ବି ପ୍ରଶ୍ନବାଚୀ ସୃଷ୍ଟି ହୋଇଛି ।
