ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ : କ୍ରୀଡା ଜଗତରୁ ଏକ ଦୁଃଖଦ ଖବର ଏବେ ଲୋକଲୋଚନକୁ ଆସିଛି । ମାତ୍ର ୩୬ ବର୍ଷ ବୟସରେ ଜଣେ ବିଶିଷ୍ଟ ଖେଳାଳୀ ଶେଷ ନିଶ୍ୱାସ ତ୍ୟାଗ କରିଛନ୍ତି । ଏହି ଘଟଣାରେ ଫ୍ୟାନ୍ସ ମାନଙ୍କୁ ଏକ ଶକ୍ତ ଝଟକା ଲାଗିଛି ।
WWEର ପୂର୍ବତନ ହେଭିୱେଟ ଚମ୍ପିଆନ ବ୍ରେ ୱାୟଟ ହୃଦଘାତରେ ଆଖି ବୁଜିଛନ୍ତି । ୨୦୦୯ ମସିହାରେ ଫ୍ଲୋରିଡା ଚାମ୍ପିଆନସିପ ରେସଲିଙ୍ଗରେ ବ୍ରେ ୱାୟଟ ଡେବ୍ୟୁ କରିଥିଲେ । କିନ୍ତୁ ମାତ୍ର ୩୬ ବର୍ଷ ବୟସରେ ସେ ଆଜି ଦେହତ୍ୟାଗ କରିଛନ୍ତି । ଚଳିତ ବର୍ଷ ଆରମ୍ଭରୁ ସେ କରୋନାରେ ଆକ୍ରାନ୍ତ ହୋଇଥିଲେ । ତା’ ଛଡା ସେ ମାର୍ଚ୍ଚ ମାସରୁ ଲାଇମ ଲାଇଟ ରୁ ଦୂରେଇ ରହୁଛନ୍ତି । ଦୀର୍ଘ ଦିନ ଧରି ଚିକିତ୍ସାଧୀନ ଥିବା ବେଳେ ତାଙ୍କ ଅବସ୍ଥାରେ ସୁଧାର ଆସୁଥିବା ଖବର ପାଇ ଫ୍ୟାନ୍ସ ଆଶ୍ୱସ୍ତ ହୋଇଥିଲେ । ହେଲେ ଅଚାନକ ହାର୍ଟ-ଆଟାକର ଶିକାର ହୋଇ ସେ ପ୍ରାଣ ହରାଇଛନ୍ତି । ଏଭଳି ପରିସ୍ଥିତିରେ କ୍ରାଡା ଜଗତରେ ଶୋକର ଛାୟା ଖେଳିଯାଇଛି ।
